Faamasinoga o Fanua & Suafa Tusi Taiala - PacLII

• i le puipuia o so'o se tagata mai i Sauaga;
• i le fa'agasologa o le taofiaina fa'a-le-tulafono po'o le puipuia o le sola ese atu o se tagata ua
taofia e leoleo po'o ua talitonuina i luga o mafua'aga taufeagai o lo'o ia umiaina se aupega;
• mo le fa'amoemoe e fa'amutaina se solo tetee ua lepitia ai le filemu, poo se fouvalega.
Fuaitau 6: Aia tatau i le Saolotoga a le tagata
O le'a le tatau ona aveesea fa'amalosi le saolotoga a se tagata vagana ua tusa ai ma le tulafono.
• E mafai ona faia se tagi i le Faamasinoga Maualuga e fa'apea ua le tusa ai ma le tulafono le
taofiaina o se tagata. I lenei tulaga, o le'a tatau i le Faamasinoga Maualuga ona tagai i le tagi
ma fa'asaoloto le tagata pe'a ua le fa'amalieina o sea taofiga ua talafeagai ma le tulafono.
• O tagata taitoatasi ua saisaia fa'a-le-tulafono e tatau ona logoina vave i mafuaaga o lo latou
taofiaina, o le moliaga faasaga ia i latou ma ia fa'atagaina e feso'otai mo se loia.
• O tagata taitoatasi ua saisaia fa'a-le-tulafono po'o ua taofia ua tatau oan aveina atu i luma o se
Fa'amasino o le Faamasinoga Maualuga, isi Ofisa o le Faamasinoga, le Resitara o le
Fa'amsinoga Maualuga poo se tasi o Faamasinoga Maualalo ua mauaina le faamaoniga mai le
Resitara o le Fa'amsinoga Maualuga (ua ta'ua uma o "ofisa mo tagata taofia") i totonu o le 24
itula o le taofiga.
• O le'a le mafai ona taofia se tagata i le sili atu ma le 24 itula e aunoa ma le fa'atagaga a se
ofisa mo tagata taofia.
Fuaitau 7: Saolotoga mai i faiga ua le faaletagata
O le’a le tatau ona faafeagai se tagata ma ni sauaga poo se uiga ua le faaletagata poo se faiga fa’ato’ilalo
poo se faasalaga.
Fuaitau 8: Saolotoga mai le fa'apologaina
O le'a le tatau ona manaomia se tagata e na te faatinoina se galuega i se faiga fa'amalosi po'o ona o se
feagaiga.
Novema 2003 Faamasinoga o Fanua ma Suafa Tusi Taiala