Faamasinoga o Fanua & Suafa Tusi Taiala - PacLII

• e faia faaiuga i feeseeseaiga o meatonu ma le tulafono i le va o le tasi ma leisi faapea foi
tagata taitoatasi i le va ma le Malo;
• e aofia ai Faamasino, o le Faamasinoga o Talosaga Apili, Faamasinoga Maualuga,
Faamasinoga Itumalo ma le Faamasinoga o Fanau ma Suafa.
2 Fa'atulagaga o Faamasinoga o lo'o Fa'agaioia ai le Faamasinoga
o Fanua ma Suafa
2.1 Tulaga lautele o le Fa'atulagaga o Faamasinoga i Samoa
E lua Lala o le fa'atulagaga o Faamasinoga i Samoa (taga'i i le Faasinoala 1):
• O le tasi Lala e fitoi tonu ma finauga faaleaganu'u. O le Faamasinoga lea o Fanua ma Suafa.
• O leisi Lala e gafa ma mataupu faatatau i aia taitoatasi ma soligatulafono ma mataupu tau i le
Faavae. O le Faamasinoga lea o Talosaga toe iloilo, Faamasinoga Maualuga ma le
Faamasinoga Itumalo.
O le fa'atulagaga o Faamasinoga i Samoa e fa'a-fasitepu (tagai i le Faasino ala 1):
• O lenei fa'asologa fa'a-fasitepu e taua tele i le Tulaga aloaia o Faaiuga ua maea ona faia. O
lona uiga o fa'aiuga a le Faamasinoga e maualuga atu i le faasologa e noatia ai Faamasinoga i
lalo ifo.
• O lenei foi fa'asologa fa'a-fasitepu ua fa'atulaga ai ma se faiga faatatau i talosaga apili e mafai
ai ona siakiina fa'aiuga e Faamasinoga e maualuga atu. E fesoasoani tele lenei faiga i le
taofia o se tulaga feteenai i totonu o le lotoifale o Faamasinoga ma aiaia ai se faiga e
mautinoa ai le tulaga solo lelei.
2.2 Pule a le Faamasinoga
O le Pule a le Faamasinoga o le malosiaga fa'a-le-tulafono po'o le pule lea e fofogaina ai ma fa'ai'uina se
mataupu. O le'a tatau i Faamasinoga ona gaioi e tusa ai ma a latou pule, e pei ona fa'amaioioina i
tulafono.
Afai e gaioi se Faamasinoga e le tulaga Maualuga i fafo atu o lana pule fa'a-le -tulafono, ona tulaga mai
lea ua fa'asiliaupule le Faamasinoga (fafo atu o le pule faa-faamasinoga), ma o le fa'aiuga a le
Faamasinoga i lena matuapu o le'a fa'aleaogaina.
O se fa'ata'ita'iga o le gaioi o se Faamasinoga i fafo atu o lana pule fa'a-le-tulafono peafai lea ua fofogaina
e le Faamasinoga o Fanau ma Suafa se Faamasinoga o le fasioti tagata. O le Faamasinoga tonu e ona ia le
pule fa'a-le-tulafono e tauaaoina Faamasinoga faapenei i Samoa o le Faamasinoga Maualuga ae le o le
Faamasinoga o Fanua ma Suafa.
E eseese ituaiga pule a faamasinoga i Samoa:
Pule a le Faamasinoga maua mai i Tulafono
Novema 2003 Faamasinoga o Fanua ma Suafa Tusi Taiala