PDF format - Bakı Apellyasiya Məhkəməsi

şərtlərini davam etdirmək mümkün olmamışdır. Ümumdünya iqtisadi böhranı
respublikamıza da güclü təsir etdiyindən, iddiaçıların maliyyə vəziyyəti həddindən artıq
pisləşmişdir. Lakin həm mülki qanunvercilikdə, həm də müqavilənin özündə nəzərdə
tutulan halların baş verməsinə baxmayaraq borcverən heç bir hərəkət etməmiş, nəinki
müqaviləyə xitam verməmiş, hətta faizləri, faizlərin faizini və s. dayandırmamışdır.
Hesab edirlər ki, hesablanmış faizlər və cərimələr əsassız və qeyri-qanuni olduğundan
silinməlidir. Onlar şifahi və yazılı şəkildə banka müraciət edərək tədbirlər görülməsini
xahiş etsələr də, heç bir tədbir görülməmişdir. Verilmiş cavabda banka 23.068 manat
əsas borcun və 17.681 manat faiz borcunun olması qeyd edilmişdir.
Bakı şəhəri Səbail Rayon Məhkəməsinin 09 iyul 2012-ci il tarixli qətnaməsi ilə
iddia təmin edilməmişdir.
Həmin qətnamədən narazı qalan iddiaçı B.B.Ə. qızı apellyasiya şikayəti verərək,
Bakı şəhəri Səbail Rayon Məhkəməsinin 09 iyul 2012-ci il tarixli qətnaməsinin ləğv
edilməsini və iddianın təmin edilməsi barədə yeni qətnamə qəbul edilməsini xahiş
etmişdir.
Apellyasiya şikayəti onunla əsaslandırılmışdır ki, tərəflər arasında bağlanmış
kredit müqaviləsində faizin hesablanması və qaytarılması qaydası nəzərdə tutulmuş və
bu qaydalar bilavasitə borc verənin özü tərəfindən müəyyən edilmişdir. Belə ki,
müqavilənin şərtlərinə əsasən, borcalan krediti va onun faizlərinin ödənilməsi
dövriyyəsini ən azı 2 dəfə 5 təqvim günündən çox pozduqda; “borcalanın” maliyyə
vəziyyətində bu müqavilənin icrasına mənfi təsir göstərə biləcək hər hansı bir dəyişiklik
olduqda və bazarın mövcud vəziyyəti “borcalanın” fəaliyyəti üçün əhəmiyyətli dərəcədə
təhlükə yaratdıqda; əlverişsiz şəraitin yaranması nəticəsində “borcalan”ın lazımi
qaydada borcu ödəmək qabiliyyəti olmadıqda müqaviləyə vaxtından əvvəl xitam
verilməlidir. Eyni zamanda, “Kredit əməliyyatları üzrə faizlərin hesablanmasının
dayandırılması haqqında Qaydalar”ın 2.2-ci bəndinə görə kredit təşkilatları aşağıdakı
hallarda kreditlərə “faizləri hesablanmayan” kreditlər statusu verərək, faizlərin
hesablanmasını dayandırırlar: əsas məbləği və faizləri təmin edilmiş və yığılma
prosesində olan kreditlər (hər iki şərt birgə yerinə yetirilsə) istisna edilməklə, kreditlərin
qaytarılma müddətindən asılı olmayaraq faizlərin yaxud əsas məbləğin axırıncı ödənişi
kredit müqaviləsi ilə nəzərdə tutulmuş vaxtdan 90 gün və daha çox gecikdirilərsə,
müqavilə ilə kreditin qaytarılma müddətindən asılı olmayaraq əsas məbləğin, yaxud
faizlərin tam ödənilməsinin gözlənilmədiyi hallar təsdiqedici sənədlər, maliyyə
hesabatları əsasında sübut olunduqda və ya müştəri təbii fəlakət, yanğınla və s. əlaqədar
(fors-major), yaxud hər hansı bir digər səbəbdən müflis elan olunduqda. Beləliklə
yuxarıda əks olunan normativ hüquqi akta əsasən bank 90 gün sonra, həmin kredit
müqaviləsinə “faizləri hesablanmayan” kredit statusu verməli və dərhal məhkəməyə
müraciət etməli idi. Lakin cavabdeh bunu etməmiş və kredit faizlərini süni surətdə
şişirtmişdir. Birinci instansiya məhkəməsi isə qətnamə qəbul edərkən göstərilən hallara
qiymət verməmişdir.
Məhkəmə kollegiyasının iclasında iddiaçı B.B.Ə. qızının nümayəndəsi D.Ə.Z.
oğlu apellyasiya şikayətini müdafiə edərək, onun təmin edilməsini, birinci instansiya
məhkəməsinin qətnaməsinin ləğv olunmasını və iddianın təmin edilməsi barədə yeni
qətnamə qəbul edilməsini xahiş etdi.
Məhkəmə kollegiyasının iclasında cavabdehin nümayəndəsi Ə.F.O. oğlu
apellyasiya şikayətinə etiraz edərək, onun təmin edilmədən, birinci instansiya
2