Plani Mësimor dhe Libri i Mësuesit -Gjuha Shqipe

me mënyrën e formimit të trajtave të shkurtra të bashkuara, përdorimin e tyre, mënyrën e
shkrimit dhe vendin që zenë në fjali.
2. Realizimi i kuptimit. Di/Dua të di/Mësoj.
Udhëzohen nxënësit që të ndajnë faqen e fletores në tri kolona.
Di Dua të di Mësoj
Do të vihen në punë për të lexuar faqet…… në librin e gjuhës shqipe 7, pasi të jenë
sqaruar që:
Në kolonën e parë “Di”, të shkruajnë atë informacion që gjatë leximit u duket I njohur;
Në kolonën e dytë “Dua të di”, të shkruajnë pyetje ose kërkesa rreth çështjeve për të cilat
ata kërkojnë të dinë më tepër;
Në kolonën e tretë “Mësoj”, të shkruajnë një përmbledhje të informacionit të ri që ata
përvetësuan gjatë leximit të tekstit.
Diskutohet plotësimi i tabelës. Mësuesi jep sqarime rreth pyetjeve të nxënësve. Ai duhet
t’u sqarojë nxënësve:
- Në cilat rasa gjatë lakimit përemrat pronorë marrin trajta të shkurtra.
- Cilat janë këto trajta.
- Si formohen trajtat e shkurtra të bashkuara.(mësuesi i shkruan në dërrasë).
- Përdorimin e tyre.
- Mënyrën e shkrimit dhe vendin që zënë në fjali. (ilustrim me fjali)
3. Reflektimi. Praktikë e pavarur.( ushtrimet 1-5 në tekstin e gjuhës shqipe).
1. Në tekstin e dhënë gjeni përemrat vetor, trajtat e shkurtra dhe trajtat e shkurtra të
bashkuara. (teksti i ushtrimit 1).
2. Shpjegoni si janë formuar trajtat e shkurtra të bashkuara që keni evidentuar në
ushtrimin 1.
3. Lidhni me shigjetë trajtat e shkurtra të bashkuara me trajtat e shkurtra të thjeshta nga të
cilat janë formuar. (shih ushtrimin 3).
4. Shkruani disa fjali me këto trajta të bashkuara: jua, ua, ia dhe më pas shpjegoni se si
janë formuar këto trajta të shkurtra të bashkuara duke u nisur nga fjalitë që keni shkruar.
5. Në vend të pikave vendosni trajtën e shkurtër ose trajtën e shkurtër të bashkuar që
mungon: ia, m’i, ta, ia, iu, ia, t’i.
- Po, - … preu Xhon Thortoni gjakftohtë.
- Mirë, - … bëri Methjusoni, me një zë të qartë e të vendosur, që dëgjonin të gjithë sa
ishin në atë tavernë. –Vë bast një mijë dollarë sa qeni nuk … del mban asaj pune.
….
A mund … tërhiqte, vallë, Baku një mijë paund?
A … huan një mijë dollar? – pyeti si me një pëshpëritje të njohur Brajenin.
- … pret mendja, - … përgjigj Brajeni.
Mësuesi kontrollon punën e nxënësve dhe bën vlerësime në bazë të përgjigjeve të tyre.