Plani Mësimor dhe Libri i Mësuesit -Gjuha Shqipe

Kulturë gjuhe
Fjalorët
Objektivat:
- Të njihen me fjalorë të llojeve të ndryshme dhe me rëndësinë e tyre.
- Të aftësohen në punën me fjalorët.
Materiale mësimore: teksti i nxënësit, Fjalori i Gjuhës Shqipe, fjalorë të ndryshëm, etj.
Metodat e mësimdhënies: lexim, ilustrim, punë e pavarur, shpjegim, diskutim, punë në grupe.
Zhvillimi i mësimit
Parashikimi
Hapi i parë. Mësuesi lexon një tekst të shkëputur nga një gazetë (ose tekstin e dhënë në krye të
mësimit). Pyet nxënësit a i kuptojnë të gjitha fjalët që përdoren në fragment.
Hapi i dytë. Nxënësit do të nënvizojnë fjalët kuptimi i të cilave për ta është i paqartë.
Kujt i drejtohemi për të sqaruar kuptimin e tyre?
Ndërtimi i njohurive
Hapi i parë. Mësuesi sqaron nxënësit mbi rëndësinë e përdorimit të fjalorëve, fushat e përdormit
dhe përdoruesit.
Hapi i dytë. Për të ilustruar punën me fjalorin mësuesi përdor fjalorin e Gjuhës Shqipe.
Hapi i tretë. Mësuesi jep shpjegime në lidhje me llojet e fjalorëve dhe përdorimet specifike të
tyre. Për këtë mësuesi duhet të këtë marrë në klasë disa lloje fjalorësh për t’ia bërë të njohur
nxënësve. Ai madje duhet që të ilustrojë punën me ta për fjalë e shprehje të ndryshme.
Në dërrasë rendit llojet më kryesore të fjalorëve.
• Fjalorë njëgjuhësh
• Fjalorë dygjuhësh
• Fjalorë disagjuhësh
• Fjalorë dialektorë
• Fjalor drejtshkrimor
• Fjalorë enciklopedikë
• Fjalorë terminologjikë
Hapi i katërt. Punohen me ndihmën e mësuesit ushtrimet 1, 2 dhe 3.
Përforcimi
Hapi i parë. Punë në grupe.
Grupi 1 – ushtrimi 4. Nxënësit do të punojnë me Fjalorin e Gjuhës Shqipe.
Grupi 2 – ushtrimi 5. Nxënësit do të punojnë me Fjalorin dialektor.
Kontrollohet dhe vlerësohet puna e nxënësve.
Detyrë shtëpie. Ushtrimi 6.