Plani Mësimor dhe Libri i Mësuesit -Gjuha Shqipe

Argumentoni zgjedhjet tuaja.
Ndalu te:
Përshkrimi i personazheve
Përshkrimi i
objekteve,sendeve.
Përshkrimi i ngjarjeve.
Komento:
- Po ai është lypës, moj nënë…!
- Nëna u zverdh dhe e pa të birin si një të huaj… të largët…
Ç’kuptoni me fundin e këtij tregimi?
Tani është një Olsi tjetër …
Ndani tregimin në pika plani
Në fund të orës mësuesi bën vlerësimet e mundshme.
Përmbledhje e orës. Konkluzione. Detyra.
Të folurit
Ritregojmë ngjarje
Miqësia
Objektivat:
- Të flasin dhe të diskutojnë rreth miqësisë.
- Të sjellin në klasë përvojën e tyre rreth ndërtimit të miqësive personale.
Motivimi: Çfarë vini re në fotot e dhëna? Flisni rreth tyre.
Zhvillimi i përmbajtjes.
1. Hapi i parë. Diskutim bazuar në disa pyetje:
Ç’kuptoni ju me fjalën miqësi?
Ju a keni miqësi me njëri – tjetrin? Apo i keni të veçantë miqtë?
Si i vlerësoni shokët tuaj? Shprehni mendimet tuaja.
Si i kuptoni fjalët mik, shok? A kanë ndryshime nga njëri–tjetri?
Një mik i mirë të ndihmon me gjithë zemër, e të gjendet në nevojë. Ju si mendoni, a keni një mik
të tillë?
2. Hapi i dytë. Punë në dyshe. Nxënësit në dyshe do të komentojnë disa fjalë të urta që lidhen me
miqësinë.
• Më mirë një mik (besnik), se një çiflik.
• Hekuri njihet në zjarr, miku në nevojë.
• Si është miku, bëhet petaniku.
3. Hapi i tretë. Kllaster. Mësuesi ndërton në dërrasë një kllaster në lidhje me miqësinë, cilësitë
mbi bazën e të cilave ndërtohet miqësia. Nxënësit japin idetë e tyre dhe mësuesi i shënon në
kllasterin e ndërtuar.
4. Hapi i katërt. Shkrim i lirë.
Nxënësit do të përshkruajnë miqësinë e tyre duke e vënë theksin në tiparet që vlerësojnë
te njëri-tjetri.
Kjo detyrë vazhdon në shtëpi.