Plani Mësimor dhe Libri i Mësuesit -Gjuha Shqipe

Ora e dytë
Objektivat:
- Të lexojnë për të identifikuar llojin e pjesës.
- Të përshkruajnë figurën e lypësit.
- Të diskutojnë mbi tematikat, vlerat edukative që trajton kjo pjesë.
Mjetet e punës. Tabela e zezë, shkumësa me ngjyra, gjuha shqipe 6
Zhvillimi i mësimit
E Brainstorming
R Shpjegim + diskutim
R Teknika e pyetjeve
Evokimi. Kllaster.
Mësuesi shkruan në tabelën e zezë, fjalën Lypës.
Ai u drejtohet nxënësve: Çfarë ju shkon në mendje ndërsa dëgjoni këtë fjalë?
Nxënësit shprehin mendimet e tyre. Mësuesi dëgjon, shton mbi temën e ngritur.
Realizimi i kuptimit. Shpjegim + diskutim.
Mësuesi drejton pyetjet: Ç’dini ju për autorin J. Korshak? A keni lexuar tregime, përralla
prej tij?
Nxënësit shprehin mendimet e tyre, ndërkohë që mësuesi plotëson mbi jetën e veprën e
tij.
Më pas mësuesi ndan nxënësit sipas roleve të tregimit, dhe fillohet të lexohet tregimi.
Diskutohet më tej sipas pyetjeve:
Pse lypësit i shkanë lot mbi faqe?
Si reagoi nëna nga veprimi i djalit?
Si përshkruhet figura e lypësit nga autori?
Çfarë problemi kishte në familje Olsi?
Ç’vlera edukative trajton ky tregim?
Diskutim rreth çështjeve:
“Një lypës i varfër në xhepa, por i pasur në shpirt”.
“Dhurimi i gjakut vepër humane”.
Nxënësit shfaqin mendimet e tyre, ata lihen të lirë të shprehen.
Reflektimi. Teknika e pyetjeve.
Në këtë rubrikë nxënësit do punojnë me rubrikën e librit Vlerësojmë dhe analizojmë
tekstin.
Çfarë ndieni kur lexoni këtë tregim;
□ keqardhje për lypësin e gjorë.
□ indiferentizëm për njerëzit në nevojë.
□ mllef për njerëzit mosmirënjohës.
□ dëshirë për të ndihmuar të varfrit.
□ admirim për njerëzit e pasur në shpirt.