Plani Mësimor dhe Libri i Mësuesit -Gjuha Shqipe

Më pas nxënësit do të shkruajnë në fletore fjalitë e thjeshta të pazgjeruara duke i kthyer në fjali të
thjeshta të zgjeruara me gjymtyrë të dyta.
p.sh. Vështroi përjashta. – Vështroi përjashta për një kohë të gjatë.
Kontroll i punës së nxënësve dhe vlerësim me notë.
Hapi i tretë. Punë e pavarur. Ushtrimi 5.
Nxënësit në mënyrë të pavarur duhet të ndajnë fjalitë e thjeshta nga ato të përbërat. Për fjalitë e
përbëra të evidentojnë mjetin lidhës, të ndajnë pjesët përbërëse të tyre dhe të përcaktojnë llojin:
me bashkërenditje apo me nënrenditje.
Kontrollohet puna e nxënësve dhe vlerësohen nxënës të niveleve të ndryshme.
Hapi i katërt. Punohen ushtrime nga Fleta e punës.
Të lexuarit.
Petro Marko.
Viti 999
Ora e parë
Objektivat:
- Të identifikojnë personazhet e pjesës.
- Të diskutojnë për arsyen e zgjedhjes së shokëve si komandant Lolon.
‐ Të përshkruajnë ndjesitë që provuan fëmijët kur panë Niko Dabon..
Mjetet e punës: Tabela e zezë, shkumësa me ngjyra, gjuha shqipe 7.
Zhvillimi i mësimit.
Hapi i parë. Mësuesi e nis mësimin me dëgjimin dhe vlerësimin e detyrës së shtëpisë.
Nxënësit vlerësojnë dhe japin mendime mbi detyrën e njëri-tjetrit.
Hapi i dytë. Mësuesi shtron pyetjet për diskutim:
A e keni lexuar romanin “Shpella e Piratëve”, po filmin bazuar mbi këtë roman a e keni
parë?
Ç’ju ka pëlqyer më tepër?
Cili është autori i romanit?
Nxënësit shprehin mendimet e tyre.
Hapi i tretë. Mësuesi jep informacione të mëtejshme lidhur me jetën dhe veprën e
autorit Petro Marko. Autori ka lindur në Dhërmi të Himarës. Ka kryer shkollën e mesme
tregtare në Vlorë. Ka marrë pjesë në luftën e Spanjës. Është burgosur nga diktatura, e
cila shpesh i ka mohuar të drejtën e botimit. Ndër romanet për fëmijë përmendim:
“Shpella e piratëve”, “Griva”, “Fantazma dhe plani 3 + 4”.
Më pas vendosen disa nxënës për të lexuar sipas roleve pjesën .
Kalohet në kuptimin e mëtejshëm të tekstit nëpërmjet rubrikës Hap pas hapi.
Çfarë kishin dëgjuar fëmijët për Niko Dabuan?