Plani Mësimor dhe Libri i Mësuesit -Gjuha Shqipe

Të lexuarit
Molieri
Kopraci
Ora e parë
Objektivat:
- Të flasin për përshtypjet e krijuara nga fragmenti.
- Të diskutojnë për komunikimin e shokëve ndërmjet letrave.
- Të dallojnë cilësitë e personazheve kryesorë.
Mjetet e punës: Molieri “Vepra”, shkumësa me ngjyra, gjuha shqipe 6.
Zhvillimi i mësimit.
E Kllaster
R Puna me grupe
R Teknika e pyetjeve
Evokimi. Kllaster.
Mësuesi zhvillon një bisedë hyrëse me nxënësit.
- Ç’kuptim ka për ju fjala koprac?
- Pse njerëzit gënjejnë?
- A dini fjalë të urta mbi këtë temë?
Ndërtohet në tabelë një kllaster .
………........ kopracia…..................
Realizimi i kuptimit. Puna me grupe.
Ndahet klasa në grupe.
Grupi I – Shkruani fjalë të urta që lidhen me kopracinë.
Grupi II – Imagjinoni sikur jeni në një shtet tjetër .Çfarë do t’i shkruanit në letër shokut
tuaj?
Grupi III – Shkruani disa këshilla drejtuar një shokut tuaj , i cili shpesh gënjen.
Grupi IV – Ritregojeni fragmentin e shkëputur me disa fjali.
Grupi V ‐ Si e kuptoni ju fjalën e urtë ``“Gënjeshtra i ka këmbët e shkurtra”?
Nxënësit lihen të lirë të punojnë për 10 minuta, pastaj një përfaqësues i grupit lexon e
komenton shkrimet e bëra.
Vlerësohen nxënësit e grupit për punën e bërë nëpërmjet fjalëve të mira.
Pas kësaj bëjmë leximin e fragmentit. Diskutojmë së bashku.
Me kë komunikonte Harpagoni? Çfarë diskutonin me njëri – tjetrin shokët?
Me cilin kishte të bënte ngjarja e treguar prej harpagonit?
Reflektimi. Teknika e pyetjeve.
Vazhdohet për të kuptuar më tej pjesën nëpërmjet pyetjeve.
Çfarë këshillash merrte prej babait djali?