Yurtsever gençlik Nisan Ayı sayı 12.

V
JI EDITOR
Rêber Apo Heqîqeta Azadî û
Serfiraziya Mirovahiyê ye
Rêhevalên hêja!
Hêz, moral û kelecena ku di 8 ê Adarê û 50 yemîn Newroza
serkeftin û serfiraziyê de hate afirandin ve ketina salvegera 4
nîsanê vê hêvî, hîs û baweriya serkeftinê hîn xurttirkir. Tevahiya jin,
ciwan û gelên cîhanê bi çalakiyên xwe û biryardariyên xwe israra
azadiya Rêber Apo ya fîzîkî wek peyamek pir vekirî îfadekirin û
amadebûna xwe beyankirin. Zayin û derketina kesayetên rêber
yên civakî û dîrokî bê guman bi tenê wek hebûn û derketineke
biyolojîk nikare were destgirtin. Jiber ku ev zayîn di pratîka jiyana
rêberande veduguhere rastiyên îdeolojîk, felsefîk, çalakvanî, dîrokî
û civakî. Kesayetên rêber bi vê rastiya xwe ve ji ayîdê gel, civak an
jî netewekî bûyînê derdikevin û digihêjin rastiyeke gerdûnî û wek
hebûneke gerdûnî îfade dibînin. Bê guman ev îfadeya gerdûnîbûna
rebertiyê herî rast di rastiya Rêber Apo de şênber û jiyanî dibe.
Jiber vê yekê ye ku îro 4 ê Nîsanê di tevahiya cîhanê de di wateyeke
zayîn û vejînbûna felsefîk, îdelojîk, dîrokî û civakî de tê pênasekirin
û di wateya ku zayîna biyolojîk derbaskiriye de tê pîrozkirin. 4 ê
Nîsanê îro taybet ji bo Gelê Kurd û tevahî gelên cîhanê wek xwedî
nasnamebuyîn, ji tarîtiya koledariyê derketin, bi hebûn û xwebûna
xwe ve civakîbûn û azadiya xwe jiyankirinê tê pênasekirin. Îro bi vê
rastiyê re jinên Kurd û tevahiya jinên cîhanî Rêber Apo wek Rêberê
azadî, nasname, hebûn, xwebûna xwe dîtin. Di xeta Rêber Apo de
îro pêşengtiya mîlîtantiyê dikin. Tevahiya netew û civakên ku fikrê
Rêber Apo naskirine îro di refên azadiyê de têkoşîna mîlîtantiya
wî dikin. Di nava refên Tevgera Azadiya Kurdistanê de îro ji gelek
netewên cuda gerîlayên enternasyonalîst hene û di gelek welatande
dilsozê birdoziya Rêber Apo hene. Ev rastî heqîqeta gerdûnîbûna
Rêber Apo îfade dike. Rêber Apo çavkaniya hêz û tempoya xwe bi
ruhê ciwantiya xwe ve îfade dike. Jiber vê yekê jî di rast fêmkirin
û pêkanîna Rêber Apo de bê guman nasnameya yekemîn jin û
ciwan e. Hêza çalakî û pêkaninê di potansiyela ciwantiyêde îfadeya
xwe dibîne û ya ji Ciwanên Kurd û tevahî ciwanan tê xwestin jî
vê di rastiya Rêber Apo de xistina jiyanê ye. Me wek kovara
Yurtsever Gençlîk di hejmara xwe ya meha Nîsanê de bi hest û
nêrînên xwe yên ciwantiyê ve hebûn, xwebûn, serkeftin û azadiya
xwe ya ku Di azadiya Rêber Apo a fîzîkî re derbas dibe ifade kir.
Me bixwînin, me binasin
Me Bi Ciwantî Destpêkir, Emê Bi Ciwantî Bi serkevin.