Bîra qederê - Nefel

wênekêþan, di rêzê de ne. Miriyên wan, bêyî ko li pey xwe tiþtekî bihêlin,
bê nav û nîþan, bê rû û sûret çûn. »Qet nebe, bila ew welê nerin...« Loma
jî foto û fotokêþê, niha, yek ji meslegên herî baþ, herî bi qezenc, herî
maqbûl û herî bi »sewab« e. Niha, piþtî þerê kambax, herkes li pey rû û
rûçikê xwe yê nemir e. Herweha rêzên dirêj li ber deriyên studyoyên fotografkêþên
Stembolê jî hatine pê. Stembol, payitextê Dewleta Osmanî
ya têkçûyî, jî, piþtî mirina dewletê, niha ketiye pey nemiriyê û xwe li ser
kaxizên reþ û spî »qeyid« dike.
Mîna herkesî ko xwedî îmkan in, malbata Bedirxanpaþazadan jî xwe li
ser kaxizan qeyd dikin. Hem mêr, hem jin, lê pirî caran ji hevûdu cihê.
Ew ji deverên þer, mirin û kuþtinê vegeriyane û li milekî xwe ji nû ve
didin hev û li milekî jî, bi qasî ko ji destê wan tê, xwe dikin nemir û wêne
li ser wêne zêde dikin.
Fotografa þeþemîn a romana Bîra Qederê di wan rojên hilweþîn, keft û
leftên dûzana nû û demên rêzên dirêj ên li ber studyoyên fotokêþan de tê
kiþandin. Lê ne li Stembolê, li Kurdistanê. Ne di studyoyeke fotokêþekî
de, li bexçê maleke kurdî. Ne ji aliyê osmanî yan jî kurdekî, lê ji aliyê
zabitekî ingilîz, Major E. M. Noel.
Li ser fotoyê du kesên nas hene; Celadet û birayê wî Kamuran Alî
Bedirxan. Herdu li pê, li kêleka hevûdu, li ber sitûneke stûr a þaneþînekê
sekinîne. Dar û berên bexçe bergeha fotografê dixemilînin. Celadet li kamarayê,
Kamuran li aliyê bexçê dinihêre. Herdu jî bi simbêl, bi kincên siwaran,
lê bi qrawat in. Porê herduyan jî, bi paþ de, þehkirî ye. Celadet bi
qasî çend tiliyan ji Kamuran dirêjtir e û bi qasî çend tiliyan li pêþ wî
rawestaye. Þivekî siwaran di destê Celadet de ye. Kamuran, dest ber bi
jêr, bi awayekî serbest sekiniye. Ji rawestana herduyan dixuye ko Celadet
bêtir xwedî berpirsiyarî û gotin e. Herdu bi rêz û rêzdarî sekinîne. Awirên
wan cîddî, nêrîna wan kûr e.
Kincên ko wan li xwe kirine, nû ne û ji kincên siwar, rêwî, nêçîrvan û
seyidvanên îngilizan in. Çaketên herduyan jî, ji navtengê, bi kemerekê,
hatine þidandin. Pantolon ji jor fireh, ber bi delingan teng in. kincên herduyan
jî mîna hev in. Kinc ne yên mintiqê ne, ne yên welatê Osmanî ne
jî. Kincên wan yên ewrûpayiyan in. Yanê du kurdên ji maleke navdar a
kurdî, bi cil û bergên ewrûpayî, li welatê bav û kalan in. Du Stemboliyên
kurd li welatê kurdan in.
Ji awir û nêrîn, cil û bergên wan, ji þiva destê Celadet dixuye ko ew bi
wezîfene girîng rabûne û rêwî ne. Ew, hazir, xwe þidandî, ciddî, li ser rê
98• BÎRA QEDERÊ E-POSTE: INFO@NEFEL.COM MALPER: WWW.NEFEL.COM