You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
– Signore, hûn bi halê xortiyê dizanin... Hûn kîjan kitêban tawsiye<br />
dikin?<br />
Îro, li aliyê Perayê, nêzîkê Mekteb-î Sultaniyê, li ser Rue de Pera, yanê<br />
Cade-î Kebir, di dûkana kitêbfiroþ a Signore Rionaldi de behs li ser evîn,<br />
hez û hezkirinê ye. Signore ko sahafekî yekta yê nas e, ne bi tenê hosteyê<br />
kitêban, ew hosteyê ders û þîretan e jî. Hema çi bigire li ser her babetî, bi<br />
her þêweyî. Bi alîkarî û rênîþandayina Evdilrezak Beg ko ji welatê xerîbiyê<br />
vegeriyaye û li pey tevgerên nû û nûjen e, Celadet riya dûkana Signore<br />
nasiye. Signore merivekî kal, lê hê jî li ser xwe ye. Rîha wî qît, simbêlên<br />
wî boq û badayî ne. Porê wî weþiyayî û ber bi paþ þehkirî ye. Ew bejnkin<br />
û hinekî piþtxoz e. Signore Rionaldi lewantenekî dewr û dewrandîtî yê<br />
Stembol û Perayê ye.<br />
Dûkana Signore biçûk û teng e, tarî û kevn e. Çend mist ronahî, bi<br />
zehmetî ji derî û pencera fireh a pêþiyê, xwe bi hundirê dûkanê digihîne.<br />
Hemû aliyên dûkanê, heta dêv, bi kitab, kovar û weþanan tijî ye. Serê<br />
maseya ko li ber devê derî ye, bi çend qorên kitêban dagirtî ye. Bîhn û<br />
hilma taybetî ya rûpelên zer û rizyayî bi ser dûkanê ketiye. Nêrdewaneke<br />
kevn bi çend pêpîlokan, li aliyê hundir rawestaye. Signore destekî xwe<br />
daniye ser pêpîlokekê û bi Celadet re, bi zimanê xwe yê taybetî ko ji îtalî<br />
û osmanî hatiye pê, dipeyive.<br />
– Bono Begzadeyê min ê biçûk, bono... Don û donna... bono, bono...<br />
Amore... Evîn, tu dizanî, di umrê însaniyetê de ye. Eger jê ne mezintir be,<br />
ciwanxorto... Ez niha ji te re çi bibêjim, ji ko dest pê bikim? Ez behsa kîjan<br />
kitêban, bûyer û serpêhatiyan bikim? Romeo û Julia? Ferhad û Þîrîn?<br />
Yan destana we kurdan a navdar Mem û Zîn? Yan jî destpêka me<br />
hemûyan, destpêka însan û însaniyetê Adem û Hawa? Ax dîno, evîna<br />
dîn... dînîtiya evînê...<br />
Celadet li kêleka masê sekiniye û dikene. Signore pê re dipeyive, yan bi<br />
dengekî berz difikire, yan jî bi xwe û tarîxê re dipeyive? Lê her çi be jî,<br />
Signore kalekî xweþ e, zanîna wî kûr, gotina wî balkêþ e.<br />
– Signore, min bi tenê dixwest kitabek yan jî dudiyan li ser vî babetî<br />
bixwînim...<br />
Bono, xortê dîn, bono... dînîtiya xortiyê... Ma evîn û hezkirin þixulê<br />
çend kitaban e? Reçete, reçeteya wê çend rêz in? Û ji bîr meke, her<br />
reçeteyekê faturayek heye... Li van kitêban, yên li ser refan, li ser dîwar û<br />
masan binihêre. Ev hemû li ser reçete û faturayê ne. Di nav rûpelên<br />
hemûyan de jin û mêr, mê û nêr, evîn û berberî, cennet û dujeh hene.<br />
72• BÎRA QEDERÊ E-POSTE: INFO@NEFEL.COM MALPER: WWW.NEFEL.COM
Change language