Bîra qederê - Nefel

li ser kaxiza nemir dixuye, dirêj e, ji guhekî normal dirêjtir e. Enî mîna
asoyeke zelal yan jî heyveroneke spî, vekirî ye. Li ser enî tu xêzên qermiçî
yan jî siyên umir û jiyanê nîn in, jiyanê hê enî bi þopên xwe yên kûr
neneqiþandiye. Enî mîna kaxizike spî ko hê tiþtekî lê nebûye, dixuye. Enî
jî mîna beden, rû, mil û sîng fireh e. Navçav jî her weha ye, ew mîna giravekê
ko di navbera du lehiyan de ye, dixuye. Birûyên wî mîna lehiyan
ewçend dirêj, reþ û gur in. Birû û di navbera wan de navçav firehiya enî
temam dikin. Herçend firehiyek di navbera por û birûyan de heye,
ewçend jî navberiyeke ji normalê zêdetir di navbera birû û çavan de jî
heye. Piþtî enî tiþtê herî balkêþ ê li ser rû çav in. Çav reþ in; mîna du kahniyên
kûr, mîna du stêrkên çirûsî dixuyin. Çav li pêþiyê, li kamerayê dinihêrin.
Cîddî û giran, kûr û manedar. Germahî û balkêþî, tesîr û nermî ji
çavan dixuyin. Meriv xwe ranagire û li çavan dinihêre. Poz jî, mîna çavan,
balkêþ e. Herwekî hemû pozên Bedirxaniyan, pozê Celadet jî gir û
dirêj e. Lê dirêjahiyeke lihevhatî û xweþ. Bi gotina dapîra wî Ruþen
Xanimê, pozê Celadet mîna pozê beranan e. Tevî ko fotograf ne ewçend
mezin e, dîsan jî difnên poz jê baþ dixuyin. Difn jî fireh in. Hinarik û
gum jî li gora rûyê gulover in; fireh.
Dev ko li gora enî, çav, guh û poz, pir biçûktir e, girtî ye. Lêv bi awayekî
rehet û serbest li ser hev in. Kortahiyeke biçûk di navbera lêvan û çenê de
heye. Ji vê kortiyê jî hîn biçûk, kortiyeke din jî di çenegehê de dixuye.
Guloveriya rû bi çenegehê temam dibe.
Belê, rû esmer, gulover û dirêj e. Li ser rû hê ne simbêl ne jî rîh heye.
Rû, rûyê xortekî nûhatî, jiyaneke teze, ruhekî geþ e. Ewçend paqij û rind,
masûm û hêvîdar, ewçend ji þopên derd û keseran bi dûr. Lê eger meriv
pir baþ li fotografê binihêre, heye ko meriv di kûrahiya çavan de hin
nîþandekên keserê bibîne.
Rû nakene, awirekî cîddî li serê ye. Cîddiyeta li ser rû ji xortiya rû pir
zêde ye.
Herçî stû ye, qut û qaling e. Jixwe gomleg heta ber devê qirikê hatiye.
Stû zêde ne xuyaye. Gomleg spî ye û li gora moda salên 1900-an e.
Qirawateke reþ pê ve ye. Gomleg û qirawat ahenga kincan temam
dikin. Kincên reþ, êlegê reþ, gomlegê spî û qirawatê reþ. Reþ û spî, pir bi
zanîn, li hev hatine anîn. Yaxeyên gomleg û çakêt jî li hev in, herdu jî
dirêj in. Pêþiya çakêt vekiriye û jê êleg xuyaye. Êleg perçeyê »kostymê«
e û ew bi þeþ kumçikan heta jor girtî ye. Çakêtê kriwazor, gomlegê
stûdirêj, êlegê pirkumçik, qirawat... ev hemû nîþanî daxwaza mezin-
68• BÎRA QEDERÊ E-POSTE: INFO@NEFEL.COM MALPER: WWW.NEFEL.COM