Create successful ePaper yourself
Turn your PDF publications into a flip-book with our unique Google optimized e-Paper software.
þikestiye, umir kal e. Û... û rêwîtî li ber derî ye... Mein Gott, mein Gott...<br />
Rûþen Xanim di cîhê xwe de vediciniqe, dilê wê pihêt hildavê. Ev çi<br />
gotin in? Çima?.. Ew, bi hêdîka, hîn zêdetir xwe nêzîkî Celadet Beg dike<br />
û eniya wî maç dike. Bi dû re jî ew, bi hêdîka, lê vedigerîne,<br />
– Çima tu weha dipeyivî? Herkes dizane ko tu mutefekîrekî yekta û<br />
nivîskarekî jêhatî yî...Tu dê romana xwe binivîsînî, bi îzna Xwedê, bi rêdan<br />
û dilovaniya Yezdanê mezin, tu dê dest pê bikî û wê xweþik binivîsî<br />
û her tiþtê ko tu dixwazî, tu dê bikî... Ma te ev yeka hanê, sebir û înada<br />
xwe, pirî caran, îspat nekiriye? Ez bi vê bawer im, bi te bawer im, ez bi<br />
hêvî me.<br />
– Rûþenê, êdî pir dereng e... lê min ê navê Bîra Qederê li romana xwe<br />
bikira... Bîra Qederê... ev nav ê baþ li romana min bihata. Quelle titre<br />
pour un roman, pour un destin...<br />
Celadet Beg, mîna ko ew di xewê de be, dipeyive, hem bi Rewþen<br />
Xanimê re dipeyive hem jî bi dengekî berz difikire. Ew difikire, di nav<br />
xewn, xeyal, bîranîn û rojên bihurî de dere û tê. Digel ko pencerên salonê<br />
vekirîne, ode bi dûman û bîhna cixarê tijî ye. Cixare her di destê Celadet<br />
Beg de ye.<br />
– Min ê tê de behsa bîrên xwe bikira. Ev bîrên ko me li gund nû kolane<br />
jî tê de. Wan ez westandim, lê ew ê jîn bidin erd û çolê, pembû dê mîna<br />
berfê bibiþkovin...<br />
– Tu dê behsa bîrên xwe jî bikî...<br />
– Ruþencîk, Diya Cemþîd, diya Sînemxana delal... Verba volant, littera<br />
scripta manet... Min piraniya kaxiz û defterên xwe yên niviskî, çirandine,<br />
þewitandine, lê min ê ev roman binivisiya, min ê tê de qala bajarên xwe<br />
bikira, Stembol, kaderîm, benî hîç bîr zaman terk etmeyen o müthîþ þehîr<br />
Munix, Also sprach Zarathustra... Kahire, Bêrut, Þam, Heleb, Di her<br />
destpêka biharê de, em ê hevûdu li Helebê, li meydana Babulferecê<br />
bibînin... Paris, la ville des villes... Cizîra Botan a xewnan, warê bav û<br />
kalan, keleha hebûn û bihîstiyariya min, Kanî Xanî, Feqeh-Teyran û<br />
Melayê Cizerî, ne jî Batê, kes nema ...<br />
Celadet Beg, mîna ko ew nû ji xewê hiþyar bûbe, li ser xalîça rengîn û<br />
mezin a salonê dirêjbûyî, bi germahiyeke bêpayan, li çavên nepixî yên<br />
Rûþen Xanimê dinihêre. Hingê, Rûþen Xanim jî nizane çima, lê xofeke<br />
mezin dikeve dilê wê. Gelo?.. Di bin ronahiya çira li ser maseya li kêleka<br />
Celadet Beg, rûyê herduyan jî gewr dixuyin. Rûþen Xanim, bi dilsojî, li<br />
rû û çavên wî yên westiyayî dinihêre. Rûyê wî, digel west û bêxewî, keser<br />
284• BÎRA QEDERÊ E-POSTE: INFO@NEFEL.COM MALPER: WWW.NEFEL.COM
Change language