Create successful ePaper yourself
Turn your PDF publications into a flip-book with our unique Google optimized e-Paper software.
4«Nav: Bîra Qederê<br />
Gengre (çeþn): Roman<br />
Tarîxa destpêka nivisînê 15 Tîrmeh 1951<br />
Destpêk û rêza yekem: Herkes dimire; bira û birazî, yar û evîndar,<br />
heval û dost, hogir û rêger, nêz û nas... hemû wefat dikin. Dora min jî<br />
hatiye, niha jî dora min e...«<br />
Saet li dora 5-ê þevê ye. Stêrk çûne ava, ronahî hiltê. Rojeke nû ya havînê<br />
dest pê dike. 15-ê tîrmehê bi hêdîka hiþyar dibe. Celadet Beg hê jî li salonê,<br />
li ser xalîçê dirêj bûye û li deftera nû ya li pêþiya xwe dinihêre. Ji<br />
gramofonê dengê dengbêjeke tirk tê; her yer karanlýk... her der tarî... foto,<br />
kovar, rojname, kitab û rûpelên peregende hê jî li erdê ne. Lê tiþtekî li<br />
wan zêde bûye; deftera li pêþiya wî. Wî deftereke nû vekiriye û tê de rêzên<br />
destpêkê yên romaneke nû nivisîne. Wî navê romanê jî lêkiriye; Bîra<br />
Qederê... Pênûs di destan de, defter li pêþiyê, ew difikire. Rêzên pêþîn ên<br />
romana nû ew birine dewr û dewranên kevn û windabûyî. Xwezî ne<br />
dereng bûya û wî bikaribûya vê romanê binivîsanda!.. Lê pênûs nalive,<br />
dereng e, pir dereng.<br />
Ji niþkekê ve, deriyê salonê vedibe û Rûþen Xanim di nav kirasê þevê de,<br />
tê nik wî. Ew ji xewê hiþyar bûye. Celadet Beg li jina xwe dinihêre, bi ken<br />
û xew li ser çavan, jê re »rojbaþ« dibêje.<br />
– Rojbaþ, Rûþen Xanim dibêje û tê li ser Celadet Beg disekine û li<br />
rûpela vekirî ya deftera li pêþiyê dinihêre -bêyî ko ew bikaribe rêzan ji hev<br />
derxe.<br />
– Min çend rêz nivîsîne, Celadet Beg, çavê wî li ser defterê, dibêje, çend<br />
rêzên romaneke nû. Ne yên Heyveron-a ko min dil hebû binivîsa, lê yên<br />
yeka nû...<br />
– Bi xêr be... Te navê romanê jî lê kiriye?..<br />
– Herê, Bîra Qederê... nav wê Bîra Qederê be...<br />
Ew bi destê Rûþen Xanimê digire û li ba xwe dide rûniþtin. Ew ji cixara<br />
xwe nefesek dikiþîne, rûpela yekem ko wî dest pê kiriye, bi hêdîka, ji<br />
Rûþen Xanimê re dixwîne û paþê jî gotina xwe didomîne,<br />
– Eger min keys bidîta û bikaribûya dest bi romanekê bikira, destpêk<br />
wê mîna van gotinên min bûya; Herkes dimire... Min ê qala mirin û çûyinê<br />
bikira. Min ê pêþî xatir bixwesta û paþê dest bi romana xwe bikira...<br />
Pêþî mirinê bihata, paþê jîn, xaçeriyên jînê û bi dû re jî dîsan mirin... Lê<br />
êdî dereng e, hertiþt li pey ma. Wext dereng e. Þev dereng e. Hêvî<br />
E-POSTE: INFO@NEFEL.COM MALPER: WWW.NEFEL.COM<br />
BÎRA QEDERÊ • 283
Change language