Bîra qederê - Nefel

îcar ez hinekî bi dapîra xwe Rûþenê re jî peyivîm. Niha nayê bîra min ka ez
bi wan re çi peyivîm. Her tiþt mîna xewnekê bû, di nav mij û dûmanê de
bû. Lê gava ez ji wan veqetiyam, min weha got; »Kalo, pîrê, ez derim, lê ez
ê di nêzîk de, pir nêzîk de, vegerim...« Herê, welê bû; þeva tarî di êvarê de
kifþ bû.
Piþtî ko Celadet Beg nama xwe dinivîse û wê datîne ser masa xwe ya xebatê,
ew vedigere ser fotografan. Fotografên wî yên salan jî, mîna umrê
wî, peregende ne. Wan albumek jî nîn e! Ew di nav zerf û rûpelên kitab,
kovar û defteran de, hêdî hêdî rengê xwe winda dikin û diqulipin ser
rengê zer. Îþev wî hemû wêne, ji cîhên wan ên bêhewa, derxistine û
dixwaze li wan binihêre. Bav û diya wî, li kêlekê, di nav wêneyekê de ne.
Herduyan jî destên xwe danîne ser çogên xwe û lê dinihêrin. Meziyet li
pey wan, li pê ye. Safter di nav wêneyeke din de dikene. Di yeka din de,
her çar bira, Celadet, Kamuran, Tewfîk û Hîkmet, bi ken, li hev dinihêrin.
Ev herdu sûretên Stembolê, Galata û Bospor, girî dixin çavên wî.
Ev çek û pûsatên vê wênê Xoybûn û Araratê tînin bîra wî. Monika, evîna
çavþîn û porzer lê dinihêre û dikene. Ev porê reþ ê bipêl ê Cananê ko
ji vê fotoya kêlekê jê re dest dike, dilê wî diguviþîne. Ecêb e... Celadet Beg
ev hemû nas kirin, bi wan re mezin bû, bi wan re jiya, umrekî dirêj bi wan
re derbas kir, lê niha, di þeveke germ a Þamê de ew bi tenê ye, bi tenê li
wêneyên wan dinihêre. Ecêb e, ev hemû dewr û dewran hatine û çûne,
umrekî 57 salan di nav van dewr û dewranan de çûye. Ew niha çiqas jê bi
dûr in! Ecêb e, tevî ko hin ji wan mirine, hin ji wan, bêveger, jê xatir
xwestine û çûne, tevî ko wan valahiyeke xedar li pey xwe hîþtine, Celadet
Beg dijî. Ew çûn, lê Celadet Beg hê jî maye. Ecêb e ko jiyan evçend metîn
e. Lê dîsan ecêb e, tevî ko ew dijî, wî nikaribûye, tu carî, valahiya kes,
dewr û dewranên çûyî dagire. Ecêb e, ew dijî, lê di navbera xewt, dewr,
dewran û kesên mirî û çûyî de...
Celadet Beg dizane ko êdî dereng e, yan na, di esasê xwe de, wî romanekê
diviya. Romaneke nû ko wext, dewr, dewran û kesên mirî û çûyî
bigihanda hev, ecêbiya hatin û çûyinê, jiyîn û mirinê vebigota. Romanek
ko tê de behsa bîrên wî jî hebûya. Belê romanek ko li ser qederê bûya, li
ser bîra qederê bûya.
282• BÎRA QEDERÊ E-POSTE: INFO@NEFEL.COM MALPER: WWW.NEFEL.COM