You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Axa... ewê xwe... yanî qamîþê xwe rep dike... û banî Zînê dike, dibêje,<br />
»Zînê, de were, aliyê min.« Dema Zînê dere ba wî, ew ewê xwe... yanî<br />
ewê xwe yê rep derdixe û dibêje, »Zînê, de were, carekê jî vî rebenê ha<br />
biþo... ma tu vî jî carekê biþoyî, kevir ê bibare!«<br />
Çîrok xelas dibe. Muslîm Axa dikene, gava ew dikene, hemû bedena wî<br />
ya girs diheje. Yên din jî dikenin. Welê dixuye ko kêfa wan gelekî ji çîrokê<br />
re hatiye. Ew, bi deng, dikenin.<br />
Celadet Beg, bi tenê, cixare dikiþîne û li Muslîm Axa, rûyê wî yê fireh,<br />
kenê wî yê bêperwa dinihêre, carekê li Muslîm Axa, carekê jî li yên din<br />
dinihêre. Bi hênceta çi vî axayî ev çîrok got? Çima? Ev ên din çima<br />
evçend dikenin? Çima ev çîrok evçend xweþ û balkêþ bû? Celadet Beg hê<br />
weha difikire, yekî din ê kal, bejndirêj, jar û rîhdirêj ko Celadet Beg berê<br />
hîç nedîtiye, dest bi axaftinê dike.<br />
– Eger Mîrê me rê bide, ez ê çîrokekê bibêjim, ew dibêje, lê ya min ne<br />
mîna ya Muslîm Axa bê edeb e.<br />
Bêyî ko ew li bersiva Celadet Beg bipê, ew dest bi çîroka xwe dike û<br />
dibêje,<br />
– Rojekê Hezretî Miheme Eleyselam ji Cebrail dipirse, dibêje, »Ya<br />
Cebrail eleyselam, tu ayetan ji min re tînî. Baþ e, kî wan diþîne? Kî ye?«<br />
Cebraîl dibêje, »Ez nizanim. Ez derim qata Xwedê, li wir ayetan werdigirim<br />
û têm. Kesê ko ayetan dide, li paþ perdekê ye. Ez wî nabînim.«<br />
Hezretî Miheme ji Cebraîl dixwaze ko ew careke din li paþ perdê<br />
bimeyzîne, ka kî ye ayetan diþîne. Cebraîl wekî Hezretî Miheme dike,<br />
dere û perdê vedike. Lê çi bibîne? Hezretî Miheme bi xwe ye, li wir<br />
rûniþtiye. Ew poþmam dibe, vedigere, tê ba Hezretî Miheme. Miheme<br />
Eleyselam bi meraq jê dipirse ka kî ye li paþ perdê rûniþtiye. Cebraîl dibêje,<br />
»Ya Miheme, kesê paþ perdê û pêþ perdê jî eynî ye, yanî tu hem li vir î<br />
û hem jî li wir î...«<br />
Civat dîsan dikene. Dîsan, ji Celadet Beg pê ve, hemû bi hev re<br />
dikenin.<br />
– Seyda te ev çîrok bi hênceta çi got? Celadet Beg ji kalê rîspî dipirse.<br />
Bibore, ez baþ tênegihîþtim.<br />
– Min ew bi qesta mele û þêxên me got, mîrê min, xwediyê çîrokê dibêje.<br />
Tu dizanî, mele û þêxên me...<br />
Wî hê gotina xwe xelas nekiriye, Husên Axayê Îbîþ dikeve hundir.<br />
Civat radibe ser piyan. Husên Axa silav li wan dike û tê nik Celadet Beg<br />
û destê xwe didiyê.<br />
268• BÎRA QEDERÊ E-POSTE: INFO@NEFEL.COM MALPER: WWW.NEFEL.COM
Change language