You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
dixwîne; kanî Cûdî, ka Herekol, ka Kepir? Ka zozanên Mîr Bedirxan,<br />
bavê Têlî, ka kê bir? Ka banê me yê ezîzan, kanî war? Kanî lo lo, lê lê, li<br />
kû, kanî deng?..«<br />
Ew hêdî hêdî, mîna ko di xewnê de dipeyive, þiîra xwe dixwîne. Piþtî ko<br />
ew þiîrê dixwîne, ew dîsan rûpela kovarê digire, kovarê datîne ser çogên<br />
xwe û li gora kalikê xwe dinihêre û dibêje; kalo, Garîbaldiyê kurdan, mîrê<br />
asî û serhildar, serekê dîlketî û derketî, tu bibêje, ez ketime bextê te tu<br />
bibêje ka ez kî me, ez li van deran çi dikim, jîna min ber bi kû de diçê?<br />
Bibêje, ji bo Yezdanê Pak bibêje, ka Cizîra Botan, welatê te, warê bav û<br />
kalan? Tu li vir dinivî, bavê min, yanî lawê te li Kahîrê, neviyê te Sureya<br />
li Parîsê, Safter li Heidelbergê, law û keçên te li Stembol, Üsküdarê... ya<br />
ez, bibêje min, ya ez ê li kû binivim? Wesiyeta Bavo ew bû rojekê ew bigihê<br />
welatê xwe û li kêleka Çemê Dijlê, di bin axa welatê xwe de binive. Wî<br />
gotibû min ko ev wesiyeta te bû jî... Lê ka? Lê ya ez? Axa reþ a kîjan welatî<br />
dê min veþêre. Ez dizanim, wext tê, sîha reþ a çûyinê ber bi min tê, ez<br />
nêzîkî li we dikim, lê tu bibêje min, kîjan ax, kîjan erd û welat? Kîjan...<br />
Ew nikare gotina xwe bi dawî bîne. Ew bi hêdîka diheze û digirî. Bi<br />
hêdîka, bi þermîn. Di bin perda dengê bilûrê de, dengê giriya wî nayê bihîstin.<br />
Lê ew digirî.<br />
3Canan digirî. Di bin perda dengê musîka Mahler de, dengê girîna<br />
wê nayê bihîstin, lê ew digirî. Girîna Cananê jî dibe perçeyekî ji<br />
rîtm û melodiya musîka Mahler. Celadet Beg, bi tenê, bêdeng, lê<br />
dinihêre. Ew ji birayê xwe Kamuran hîn bûye; gava yek digirî yan jî<br />
dixwaze bigirî, ew hew rê lê digire. Ji bervajiyê, ew dihêle ko girî bibin hêstir<br />
û ji çavan derên. Celadet Beg li rû û porê yara xwe ya rojên Stembolê<br />
dinihêre, li çavên reþ ên yekta dinihêre. Çav û rû neguherîne. Çav dîsan<br />
mîna çavên xezalan xweþ û germ in. Rû hê jî ciwan û spehî ye. Bi tenê<br />
tayên spî bi porê wê ketine. Lê tayên spî jê tu tiþt nebiriye, ji xweþiya wê<br />
tu tiþt kêm nebûye. Tayên spî ew kiriye xanimeke kamil.<br />
Canan, yara xewnan, ji xewnan derketiye û dîsan hatiye. Qederê, yan jî<br />
felekê, yan jî meriv dikare bibêje tarîxê ew, dîsan, pergî hev anîne. Piþtî<br />
þanzde salên dirêj, bi taybetî ji bo dîtina Celadet Beg, Canan hatiye<br />
Bêrûdê.<br />
– Derew e, kî dibêje ko ew bi xwe û bi qedera xwe dikare, derewan dike,<br />
Canan bi zehmetî dibêje û digirî. Ne em, lê qeder e ko bi me dilîze. Ne<br />
em, lê qeder e ko bi pêþerojê dizane.<br />
E-POSTE: INFO@NEFEL.COM MALPER: WWW.NEFEL.COM<br />
BÎRA QEDERÊ • 259
Change language