Bîra qederê - Nefel

FOTOGRAF 15: Ela bela bin mehmûdî... Her yer
karanlýk... Je t-entende toujour, son tour... Ka
banê me yê ezîzan, kanî war, kanî lo lo, lê lê li ku,
kanî deng...
1Xezal... Çavên wê...
Fotografa 15-an a Bîra Qederê gelekî biçûk e. Heye ko ew biçûktirîn
wêneya hemû romanê ye. Di vê fotografê de çar kes hene; Celadet Alî
Bedirxan, du eskerên reþik ên fransiz û yekî din. Serê kesê çaremîn ê fotografê
ko kincên siwîl lê ne, nexuyaye. Roger Lescot, fotografkêþê vê fotografê,
serê kesê çaremîn dernexistiye. Hemû bedena girs heta qirikê di
fotografê de ye. Lê serî nîn e. Ew kî ye? Çima serê wî derneketiye?
Kî pê dizane! Lê di vê fotografa biçûk a reþ û spî de, tiþtê herî balkêþ
xezaleke biçûk e. Xezaleke biçûk ko di nav destên eskeran de, li ser erdeke
qiraç, bi çavên gelekî balkêþ, li kamerayê dinihêre. Esker jî li ser totikan
rûniþtine û bi kêfxweþî li kamerayê dinihêrin. Ew dikenin. Ew bi ser ketine;
xezal, bi saxî, hatiye girtin. Ew xezala girtî, bi serfirazî, nîþan didin.
Heçî Celadet Beg, rengê rûpelên Bîra Qederê, ye, li pê ye. Lê ew li ser
xezalê xwar bûye û xezal, ji stirîhan, pêgirtiye û li kamerayê dinihêre. Ji
rawestê dixuye ko kesê çaremîn ê bêserî jî li kamerayê dinihêre. Xezal
navenda vê fotografê ye. Heye ko loma, yanî ji bo ko xezal baþ bixuyê,
kesê çaremîn bêserî derketiye. Roger Lescot ko ji hal û hewalê fotograf û
fotografkiþandinê nizane, çavika kamerayê di ser xezalê de rawestandiye.
Pêwendiyeke xurt di navbera kesên vê fotografê û kamerayê de heye.
Hemû bi dîqet li kamerayê dinihêrin. Xezala biçûk jî, matmayî, li kamerayê
dinihêre.
Lê xezal û nêrîna wê... Xezal di nav destan de ye. Destên ecêb, xerîb û
nenas ew ji qiloç û lingan girtine. Kesên nenas li dora wê civiyane û wê,
maxrûr û serfiraz, nîþan didin. Ew girtî ye. Di vê kurtedema kiþandina fotografê
de ew çi hîs dike? Kî dizane! Xwezî zimanê wê yan jî zimanê vê fo-
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 253