Bîra qederê - Nefel

hin rûpelên romana Bîra Qederê de ken jî heye.
Ev fotograf û kesên fotografê îspat dike ko Celadet Begê ko ewçend ji
jiyana mal, malbat û zarokan direviya, bûye xwedî mal, malbat û zarok;
Sînemê û Cemo di hembêza wî de dikenin. Ev fotograf, îspata bergeheke,
bi qewlê Rûþen Xanimê, famîlyer e. Famîlye, mal, malbat û zarok, bêguman,
wêne û fotograf divê. Kamera divê, îspata wext û dewranên ko
zarok tê re derbas dibin, divê. Her du yan jî sê mehan carekê, Rûþen
Xanim li zarokan dinihêre û dibêje; wext hatiye. Zarok mezin dibin,
diguherin. Guherîn divê îspat be. Zarok ê, sibê roj, li fotografan, li þopên
xwe yên jiyanê, binihêrin û rojên bihurî bi bîr bînin û li zaroktiya xwe
binihêrin. Wext hatiye... Ma mal û zarok bê fotograf, kamera û îspatan
dibe? Nemaze gava mal, maleke Bedirxanî be û li ber xetera windabûnê
be...
Lê Rûþen Xanim tu kamera navên, -ji ber ko fotografkêþê herî baþ ê
Þamê dostê malbatê ye. Malik Tahir û birayên wî ko li hemû navçê mîna
fotografkêþên hoste tên zanîn, carina, her du-sê mehan carekê, tên
taxa Muhacîrîn, mala Celadet Beg û Rûþen Xanimê û fotografên zarokan
dikiþînin. Mîna vê fotografa 14-an a Bîra Qederê, carina tevî fotografên
zarokan, yên Celadet Beg û Rûþen Xanimê jî. Herçend Mr. Xandemian
li Stembol, Kadiköyê, dost û hevalê malbatê bû, Malik Tahir û birayên
wî jî ewçend, li Þamê dost in. Eynî mîna Mr. Xandemiyan, Malik Tahir
jî carina, bi xwe, tê û dixwaze fotografên malê bikiþîne. Malik Tahir û birayên
wî ji kurdên Þamê, Eyubiyan in. Studyoya wan a fotograf û gravuran
li cîhekî xweþ û þên, li ser kolana Salihiyê ye. Tevî ko fotograf, sûret û
kiþandina wan, li gora dînê îslamê, ne di cîh de ye û ew li Þamê navenda
çanda Îslamê, dijîn, studyoya wan hertim tijî ye. Her celeb meriv, ereb,
fransiz, cihû, ermen, suryan û kurd tên û fotografên xwe dikiþînin.
Fotograf ji gelek tiþtê din girîngtir e, ji ber ko ew îspata dewr û dewranê,
umir û jiyanê ye.
Lê herçî kiþandina fotografên Sinemê û Cemo ye, Malik Tahir bi xwe
dere mala wan û fotografan dikiþîne. Çawan ew ê mîrên kurdan bînin
studyoyan?.. Mîr, mîr in. Do jî, îro jî, sibê jî...
Li piþta vê fotografa 14-an, li bin navan, bi xet û neqþên gelekî xweþ û
bi fransizî, »Photogravure - Eyoubiye Fréres« nivisiye. Di vê fotografa birayên
Eyûbiyan de, Celadet Beg gelekî li bavê xwe Emîn Alî Beg diþibe.
Ew jî mîna bavê xwe rûniþtiye; piþta wî rast, sîng û rûyê wî li pêþ, serê wî
hinekî hildayî. Kenê çavên wî jî, mîna ya Emîn Alî Beg, kîbar û bi pîvan
234• BÎRA QEDERÊ E-POSTE: INFO@NEFEL.COM MALPER: WWW.NEFEL.COM