Create successful ePaper yourself
Turn your PDF publications into a flip-book with our unique Google optimized e-Paper software.
Belê, demançeyek jî, demançeyeke reþ û dirêj.<br />
Heye ko ji ber vê bergehê, ew eciz e û naxwaze fotografkêþ pê li<br />
qumçikê bike. Kî dizane?<br />
Rû, por, cil û bergên wî jî tevîhev in. Porê wî yê ko hertim ber bi paþ<br />
þehkirî ye, niha, di vê fotografa 13-an a romana Bîra Qederê de tevîhev e.<br />
Rîha wî hatiye û zêde bûye, simbêl dirêjtir e. Çavên wî di kortê de ne,<br />
qermîçokên eniya fireh û yên binçavan, niha, kûrtir û pirtir in.<br />
Herçî cil û berg in, bi tenê kirasekî dirêj ê spî dixuyê. Bi tenê ew lê ye.<br />
Bi tenê di vê fotografê de, meriv Celadet Beg bê gomleg, bê qirawat<br />
dibîne. Qumçikên pêþî yên kiras, heta ber zikê wî, vekirîne. Pirçên sîngê<br />
dixuyin.<br />
Heye ko ji ber kiras e ko ew destê xwe dirêjî kamerayê dike û dixwaze<br />
rê li kiþandina vê fotografê bigire. Kî dizane?<br />
Her çi be jî, Celadet Beg ji vê fotografê eciz e. Bêyî ko haya wî jê hebe,<br />
fotograkêþ vê fotografê dikiþîne û wê kurtedemê jî dike nemir. Vê wênê<br />
ew bêhazirî »pêgirtiye.« Wêne hin aliyên wî yên þexsî ko zêde naxuyin<br />
yan jî nayên zanîn, nîþan dide. Demançe li ser kovaran e, »Hawar« û demançe<br />
bi hev re ne. Þûþa dirêj vala ye, konyak hatiye vexwarin. Cixara<br />
Lucky Strike ji yên basîd û erzan e. Xwelîdanka tijî dema bihurî û cixarên<br />
bêhejmar yên kiþandî nîþan dide. Mirin, fikr, nivîsîn, afirîn, xewn, xeyal,<br />
bîhntengî, esebiyet, tenêtî, sebir, daxwaz, hêvî û bîranîn li ser masa<br />
Celadet Alî Bedirxan in.<br />
Heye ko gava ev fotograf tê kiþandin, Celadet Beg li van tiþtên ko jiyana<br />
wî rapêçane, difikire û loma naxwaze ko kes wî eciz bike. Ew dixwaze bi<br />
tenê bimîne, di nav fikr û gumanan de, bi serê xwe be. Heye ko ew tiþtên<br />
li ser masa wî huzûr û aramiyê didinê, di wan de ew abadînî û ebediyetê<br />
dibîne? Heye ko tenêtî û têkberên tenêtiyê, pênûs, defter, konyak, cixare<br />
û bêdengiya þevê, xewn û xeyalên wî tînin pê û jiyaneke din a taybetî ya<br />
wî, bi tenê ya wî, ava dikin? Heye ko ew pênûs, ew defter, þûþe, îskan û<br />
xwelîdank bi hezaran, sedhezaran pêlên ko di hundir û ruhê wî de radibin,<br />
hêdî hêdî, aþ dikin? Heye ko ew derman in? Heye ko bi alîkariya wan,<br />
ew mîna teyrekî dikeve nav ewr û esmanên dewr û dewranan, wextan li<br />
hev tîne, ji hev dike, wan dineqiþîne û ji wan, mîna wêneyên vê romanê,<br />
wêneyên taybetî derdixe? Heye ko ew hewl dide, li welatekî xerîb, di nav<br />
tenêtiyeke sade de, bibe hostayê xewn û xeyalan?..<br />
Kî dizane?<br />
216• BÎRA QEDERÊ E-POSTE: INFO@NEFEL.COM MALPER: WWW.NEFEL.COM