Bîra qederê - Nefel

FOTOGRAF 13: »Romana min divê bi kurdî be, mîna
-hezar û þevekê- vebêje, mîna misk û emberê,
bîndar be û mîna pelên gulekê, rengîn be
bibiþkuve...«
1Ew, qehremanê romana Bîra Qederê, li ber masê rûniþtiye û destê
xwe dirêjî kamerayê dike. Rûyê wî tirþ, awirê wî sar e. Wî devê xwe
vekiriye, tiþtekî dibêje. Çi?
Kî dizane? Heye ko ew dibêje; bes e, bes e êdî, ev fotografên ko dibin
þahîdên jîna min, ê heta kengî li pey min bin û mîna siya min her bi min
re bin?
Heye ko ew dibêje; bes e, bes e bikiþînin, ez westiyame, min taqet nîn
e, dev ji min berdin, bihêlin, ez hinekî bîhna xwe berdim, hinekî bi tenê
bimînim.
Heye ko ew weha dibêje; bes e, ji bo Yezdanê Pak, bes e, ma ev kamera,
fotograf û fotografkêþî ji bo min û umrê min ê peregende îcad bûye? Ma
her gava ko ez davêjim ê bibe fotografek? Ma we dil heye ko hûn bi fotografan
jîna min, ji nû ve, vejînin? Ma hûn çima ji min napirsin ka ez
dixwazim?
Wî destê xwe ber bi kamerayê û kesê ko fotograf dikiþîne, kiriye û
diqîre. Ji fotografê dixuye ko ew naxwaze ev fotograf bête kiþandin. Lê fotografkêþ
pê li qumçika kamerayê kiriye, di nav kêliyekê de, hunera nemiriyê
bi cîh hatiye, fotograf hatiye kiþandin. Êdî Celadet Beg çi jî bike
vala ye.
Ew li ber masê rûniþtiye. Xwendevanên Bîra Qederê masê dinasin;
maseyeke biçûk, hinekî dirêj, basîd. Li serê kaxiz, defter, kitab û kovar tijî.
Mîna her carê deftereke mezin û dirêj vekirî ye, pênûseke reþ û dirêj li
ser rûpelên vekirî ye. Çend hejmarên Hawar-ê li kêleka defterê ne. Mase
mîna xwe ye. Lê hin tiþtên nû li ser masê ne; þûþêyeke dirêj a konyaka
yewnanî Metaxa-yê, qedeheke nîvtijî, xwelîdankeke tijî, pakêteke cixarê
ya Lucky Strike, qutiyeke kibrîdê û demançeyek.
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 215