Bîra qederê - Nefel

edena merivan digihînin. Dinya germ e, pir germ. Lê ew li hundir, li
oda tazî û bêtekber de ne. Karê ko ew pê rabûne, ji her tiþtî girîngtir e.
Rûyê wan cidî, awirê wan germ e, mîna tava tîrmehê. Qedrî û Ekrem
Cemîlpaþa pismamên hev in, kurdperwerên navdar, ronakbîrên bihîstiyar
in. Herdu jî li Tirkiyê, di kêliya dawîn de, ji mirinê rizgar bûne û reviyane
hatine, bi gotina kurdên Sûriyê, »binê xetê«, yanî aliyê Sûriyê.
Gelek ji heval û hevriyên wan di serhildana 1925-an de (yan jî piþtî serhildanê)
hatine kuþtin. Bajar û gundên wan xira bûne, mala wan wêran
bûye. Ew jî, bi qasî çend salan, li zîndanan mane, tevî zar û zêç, kal û
pîrên xwe, sirgûnî aliyê Anatoliyê bûne. Ew ji wir, bi dizî, reviyane û hatine
li Suriyê xwe bi Partiya Xoybûnê gîhandine. Ruhê wan þikestî, gotinên
wan pêt û çirûsk in, dilê wan bi þewat, birîna wan germ e.
Heval û hogirên wan mirine, ew dijîn. Qedirgir û qedirgiranên wan, li
ber çavên wan, çûne bin sêdara mirinê. Ew dijîn...
– Xwezî em jî tevî wan bimirina, bihatina kuþtin, bi dar ve bûna,
Ekrem Beg dibêje. Celadet Beg, birayê hêja, ez çawan bibêjim, bi kîjan
gotinan? Niha her rojeke me mirinekê ye. Dilê min liyan e. Rûyên heval
û dostan ko niha bûne gorbehîþt, her li ber çavên min in... Ev êrîþa ko em
ê bikin, divê bi ser keve, em divê miyeser bin, divê tova gorbehîþtan bê
hildan, hesaba tarîxê bê dayin...
Hersê heval li nexþeya li ber wan hûr dibin. Nexþe, nexþa tixûbên di
navbera Tirkiyê û Sûriyê de ye. Hevalekî wan ê partiyê, bi dizî, ev nexþe
ji qerergeha eskerî ya bajarê Diyarbekrê, li Tirkiyê, wergirtiye û aniye.
Wan, car bi car, li nexþe nihêrîne, lê ew divê niha biryar bidin; serhildaneke
nû.
– Miyeseriya vê serhildanê bi kurdên li Tirkiyê girêdayî ye, Celadet Beg
dibêje. Heke ew ji wir alîkarî nekin, dest navêjin çekê û ji paþ ve li ordiyê
nexînin, em ê nikaribin miyeser bin. Ji lewre, »artçiyên« me divê qaîm,
eþîrên me yên welêt hazir bin. Ew destê xwe datîne ser niqteyekê û gotina
xwe didomîne; eþîrên van navçeyan di navbera me û dewleta tirk de
derin û tên. Me çend qedirbilind û giregirên navçê þandine nik wan.
– Jixwe welê ye, Qedrî Beg dibêje û bi pênûsa destê xwe cîhekî li ser
nexþê nîþan dide, eger eþîrên kurdan ranebin û aliyê me nekin, ne em bi
ser dikevin ne jî serhildana Serhadan, Araratê, dikare dewam bike. Li gora
xeberên tên, eþîr li van minteqeyan hazir in ko rabin.
– Çend þêx û begên van navçeyan jî gihîþtine hev, Celadet beg dibêje û
bi tiliya xwe cîhekî nîþan dide. Wan þêxekî hêja þandibûn nik me. Ew jî
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 173