Bîra qederê - Nefel

Ez niha çi bibêjim? Min diviya li ser Bavo, jîn û tecrubên wî, pêwendiya
min û wî gelek tiþt binivîsanda. Ne niha di nav van rûpelên Bîra Qederê de,
lê heye ko di nav romaneke din de ko li dora jîna Bavo bihata hûnandin. Lê
mîna pir tiþtên din, min ev yeka hanê jî nekir. Min ne ew wext û quwet, ne
jî îmkan û destek hebû. Min ê Bavo û jîna wî ji kê re, çawan û li ko binivîsa?
Lê eger min kitaba Bavo binivîsa, min dizanîbû, min ê çawan dest pê bikira.
Destpêk ê, kêm-zêde, weha bûya;
Bavo, mamostayê jîna min, hosteyê riya qedera min. Bavo, lawê
sirgûnê, kurê Mîrê sirgûnkirî, bavê zarokên li sirgûnê bûyî. Bavo, nobedarê
roja yekemîn a umrê min, stêrka çirûsî ya zaroktiya min. Bavo, hevalê
xeyalên min, þirîkê pênûsa min, siya rêzên min, hêza gavên min, hêviya
þevên min. Bavo, lawê asîl, bavê serbilind, dostê ziravbihîstiyar. Bavo, bavê
min...
– Em divê li rê û riyan bigerin, weha nabe, weha nikare dewam bike,
Memduh Selîm Beg dibêje û dest bi axaftina xwe ya dirêj dike.
Axaftina wî li ser rewþa Turkiyê û kurdan, serhildana 1925-an a kurdan,
encamên serhildanê û rewþa wî bi xwe ye. Mîna ko ew li gotina
bigere û wan hilçîne, ew hêdî hêdî, gotin bi gotin, dipeyive. Berî ko ew
gotina xwe xelas bike, bi qasî bîskekê, ew radiweste û li hevalên xwe dinihêre,
paþê dîsan bi pênûsa destê xwe li ser kaxizê li berê çend xêzan dikiþîne
û gotina xwe temam dike,
– Ji Awrûpa, Iraq û deverên din gelek xeber û name ji min re tên da ko
kurd kirasê çavpahniyê li xwe nekin, perda nizmahiyê nekiþînin ser xwe,
çavên xwe negirin, bêdeng nemînin û dest bi tevgereke nû bikin... Êdî
gotin ya we ye.
Piþtî ko Memduh Beg gotina xwe xelas dike, Celadet ji cîhê xwe radibe,
– Spas Memduh Beg, ew dibêje, gotinên te sedî sed rast in. Roj, roja
þixul û xebatê ye. Cîhan li hêviya dengê me ye, herkes li benda tevgerê ye.
Qet nebe, divê em nîþan bidin ka em kî ne...
5Tu kî yî, xanima delal? Celadet ji keçika ko derdikeve ber derî
dipirse. – Ez Rûþen im, keçik dibêje.
– Rûþen, keça Mihemed Salih Beg?
– Belê, keça Mihemed Salih Begê Bedirxanî...
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 157