Bîra qederê - Nefel

FOTOGRAF 9: Xoybûn... hebûn, heyî, heyîtî xwebûn,
xweyî, xweyîtî...
1Fotografa nehan a romana Bîra Qederê ji welêt û Stembolê dûr, li
welatê Mixribê, Misirê, tê kiþandin. Ev fotografa hanê, di eynî wextê
de, fotografa dawîn a Emîn Alî Beg û bermaliya wî Samîha
Xanimê ye. Di pey vê fotografê re, ew hew di fotografên Bîra Qederê de
dixuyin. Fotografên ko rû û rûçikan dikin nemir, hew dikarin wan vebiguhezînin
dewr û dewranên bê. Ji ber ko fotograf rû û rûçikên jîndar
dikin nemir...
Ev fotograf li mala Sureya Beg, kurê Emîn Alî Beg û kekê Celadet, tê
kiþandin. Sureya Beg ko ji mêj ve ye li Misirê dijî, li gundekî Kahîrê,
Zeytûniyê cîwar bûye. Zeytûnî, gundê dewlemend, xwedîmal û xwedînavan
e. Kesên navdar û xwedîpirsiyariyên mezin xwe ji teþqele û xirecira
rojane ya bajarê mezin Kahîrê dane alî û hatine li vî gundî dijîn.
Gundekî basîd ê ereb qulipiye ser wargehekî girîng ê siyaset, çand û
aboriyê.
Piþtî ko Emîn Alî Beg, tevî jin û keça xwe, hatiye Misirê, ew li mala
Sureya Beg dijîn. Mala Sureya Beg xaniyekî kevn ê mezin e. Ew ne bi
temamî qesr e, lê jê ne zêde bi dûr e jî. Çav û odeyên xênî bêhejmar in.
Bexçeyekî fireh û dirêj ko hertim bi rengê kesk û hêþîn, bi ber û fêkî ye,
bi xweþiya xwe jiyana aram a gund û malê direngîne. Sureya Beg, jina wî
ko ji malbateke mezin e û keça begzadeyekî navdar ê Misirê ye, lawê wan
Heqî û keça wan Kudret, ji zû ve ye, li vê mala mezin dijîn. Emîn Alî Beg,
Samîha Xanim û Meziyet jî, ji çend salan û vir ve ye, bûne pardarên
jiyana mala mezin û gundê xweþ.
Ev fotograf li ser daxwaza Meziyetê tê kiþandin. Meziyet ko êdî bûye
keçeke xama, fotografên mal û malbatê dicivîne. Gava ew hê li Stembolê
bû, wê li Kadiköyê, ji atolja Mr. Xandemian, deftereke rengîn û neqiþî yê
wêne û resiman kirîbû û fotografên bav, dê, bira, ap, met, pismam û dotmamên
xwe têdixistê. Wê ji fotografan, germahiya ko ji kaxizên sar di-
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 149