Bîra qederê - Nefel

tixarê ye, bi bûyerên siyasî û civakî diçelqe. Alemanya, navenda
Awrûpayê, li pey riyên nû û çareyên saxbûnê ye. Herkes ji hev dipirse;
wohin? Bi ko de? Alemanya bi ko de diçe? Çare?
Digel ko hê çare ne xuyane, alemanî didin pey tevgereke nû; nasyonal
sosyalîzm. Nasyonal sosyalîzm ko bi kurtî jê re dibêjin »tevgera nazîst«, bi
fikir û gotinên nû, bi tevger û awirên ecêb, bi çavsorî û cesareteke dînî
bala hemû alemanan dikiþîne. Li mezintirîn bajarên Alemanyayê, Berlîn
û Munîxê ko bingehên wan ên herî qaîm în, ew pêl bi pêl fireh dibin.
Tevî ko dewlet û dezgehên wê yên kevn li ber xwe didin, li Munîxê, ev
tevgera nû, pêl bi pêl bajêr vedigere.
Îro, nehê meha dehan a 19
23-an e. Bajar hê jî radizê. Berbang hêdî hêdî zora þevê dibe û stêrkan
bi dûr dixe. Hûnikahî, bayê ber destê sibê, xwe bi oda biçûk a Celadet jî
digihîne. Celadet ranezaye. Paltoyê wî yê reþ li ser milên wî, ew li ber
masa biçûk rûniþtiye û bendeke biçûk, ji bo rojnameyeke alemanî,
dinivîse. þûþa þarabê ya li ser masê vala ye. Qelûneke reþ a vemirî, stûxwar,
mîna þûþê bêkêr, di nav xwelîdankê de ye. Ferhengeke mezin a alemanîfransizî,
deftera ko Cananê dabûyê û çend kitabên din, tiþtên serê masê
temam dikin.
Mîna bajarê Munîxê, Celadet jî esebî, bêhuzûr, eciz û bêgav e. Wî ji
oda xwe ya biçûk a li ser Galeri strassê bar kiriye û hatiye vê oda biçûk.
Odeyên biçûk, teng, bêhewa û bêronahî bûne para wî. Oda wî, na ne oda
wî, mala wî, bi tenê çar gav in. Mîna çira Aladdîn, cîhaneke pir fireh
ketiye nav vê oda çargavî; cil û bergên wî, kitab û defterên wî, jiyan û
tecrubên wî hemû di nav vê oda teng, nizm, sar û tarî de ne. Ew di vê odê
de xwe mîna þêrekî ko ketiye nav qefesekê hîs dike. Lê ew dikare çi bike,
çi ji destê wî tê? Ew, derketiyê welêt, roj bi roj, dikeve, mîna ko ew di nav
bîreke bêbinî û tarî de be, ew her ber bi jêr dibe.
Xeberên Stembolê yekcar nexweþ û kirêt in. Berî niha bi çendekê,
Saadet Abla jê re nameyeke dirêj a dilsoj þandibû û tê de weha gotibû;
»Bu satýrlarý gözyaþlarýyla yazýyorum...« û nama xwe bi van rêzên tarîxî ko
jiyana Celadet û berê rûpelên Bîra Qederê bi aliyekî nû dida, xelas kiribû;
»mixabin, hezar mixabin, êdî riya te girtiye...« Rejîma nû ya Tirkiyê,
serekiya Mistefa Kemal Paþa, vegera Turkiyê li wan qedexe kiriye.
Mistefa Kemal Paþa, xebat û tevgerên Emîn Alî Beg û gera Celadet û
Kamuran a welêt ji bîr nake, bav û herdu birayan li dijî xwe tehlûke
dibîne û bi tu þertî li vegera wan razî nabe. Mistefa Kemal Paþa îro desthi-
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 139