Bîra qederê - Nefel

derekî derin. Li pey birayan çend xaniyên ko bi lêkirina germenî ava
bûne, dixuyin. Li ser dîwarê xaniyê hema li pey wan, di nav lewheyeke
biçûk de, bi tîpên latînî yên germenî, Galeristrasse, dinivîse. Li pey
xaniyan jî, dêrek û birca wê dixuye. Ken, rawestan û tevgera birayan ne li
dijî van avahî û perçên din ên wênê ne, ji bervajiyê, ew hevûdu temam
dikin.
Birayên Bedirxanî, neviyên rêberê kurdan, ji welatê xwe pir dûr, li ser
kolaneke Munîxê rawestane û bêyî ko li rojên bê bifikirin, bi çavên germ,
li hevûdu dinihêrin û dikenin...
2Birayên Bedirxanî, Celadet û Kamuran, neviyên rêberê kurdan, ji
welatê xwe pir dûr, li aþxana Unîwersîta Munîxê rûniþtine û bêyî
ko li rojên bê bifikirin, bi coþ, li hevûdu dinihêrin û dikenin.
Herduyan jî îmtihanên xwe bi serfirazî dane û derbasî sinifeke nû bûne.
Celadet dersên ziman, çand û siyasetê dixwîne, Kamuran jî doktora xwe
ya hukukê çêdike. Roj bi roj, ew dikevin nav civat û çanda Alemanyayê,
þirîtiyeke bikêr bi ziman, medeniyet û çanda Alemanî re tînin pê. Her çar
bira jî dixwînin. Safter, birayê biçûk, xwendina xwe ya kîmyayê xelas
kiriye û dest bi îhtîsasê kiriye. Tevfîk bûye muhendîsê daristanê, dest bi
doktorayê kiriye û niha li ber xelaskirinê ye. Kamuran ko hê li Stembolê
awikat bû, niha, bi xurtî ketiye nav refên kitabxanên Munîxê û li hukuka
enternasyonal û ya medenî ya Ewrûpayê hûr dibe. Celadet ko ji bêgaviyê
terkî welêt kiribû, bi xurtî ketiye nav rûpelên çand, felsefe û edebiyata
alemanî û zimanê alemanî û îlmê zimên hîn dibe.
Ew îro, di dewreke gelekî kambax de, bi xeberên baþ, rojeke çê derbas
dikin. Celadet simbêlê xwe, hinekî, gurtir berdaye. Lê rû û bedena wî ya
hinekî gir, niha, jartir dixuye. Kamuranê ko her jar bû, niha simbêlekî zirav
jî, li jariya xwe zêde kiriye. Xwarina li ber wan gelekî basîd e; çend serî
kartol, çend tîke goþtê dewêr ko bi zehmetî tê cûtin û du þûþe bîra
Bayernê.
– Ab-brühen, Herr Doktor, Celadet dibêje û qedeha bîrayê radike.
– Noþ, birayê ezîz, noþ, Lê hê tu li ku, doktorî li ku.
– Na, na zêde nema, bi xêr, ber bi serê salê, ez ê bi nameyeke xweþ,
mizgîniya doktoriyê bi bavo û kek Sureya bigihînim.
– Eger tu rastiyê bixwazî, bawer bike, ez naxwazim doktor bim jî. Ez ê
li ko û çawan doktorî û awikatî bikim? Ez vê doktoriyê ji bo welêt dikim.
Lê ka welat li ko ye? Em ê çawan herin welêt û li wir bixebitin?
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 133