Bîra qederê - Nefel

FOTOGRAF 8: »Also sprach Zarathustra...« oder
»uns umspülen hunderttausend wogen/alles
reizt uns, manc herler gefaelt...«
1Çar derketî, çar bira; Celadet, Kamuran, Tewfîk û Safter. Li welatekî
xerîb, li bajarekî xerîb, her çar li kêleka hevûdu rawestane û
bi ken li hevûdu dinihêrin. Sal, destpêka salên 1920-an in. Wext,
wexta serûbinî, tevlihevî û geremolê ye. Cîh, navenda geremoliya dinê,
deriyê do û îro, Munîx e.
Çar bira, çar lawên Emîn Alî Begê Bedirxanî, çar neviyên mîrê kurdan
Bedirxan, li pê, li nik hevûdu rawestane û bi hev re dipeyivin. Welê dixuye
ko haya wan ji fotokêþê nîn e. Fotokêþ, destgirtiya birayê biçûk
Safter, Pelikan, bêyî ko haya wan jê hebe, pê li qumçika makînê dike û
fotografeke din li fotografên romana Bîra Qederê zêde dike, -bêyî ko
haya wê jê hebe.
Di hemû umrê wan ê dirêj, balkêþ û ji hevûdu pir cihê de, heye ko bi
tenê ev fotograf, her çar birayan li nik hevûdu nîþan dide. Bahoza þerê
cîhanê û aloziya destpêka salên 1920-an, ew li Munîxê anîne nik hev. Lê
dewr û dewranên bê dê wan, yekcar, ji hev veqetîne. Veqetin û hesreta ko
du stûnên esasî yên cîhana kambax a derketinê ne, dê, bi her awayî,
mohra xwe li jiyan û qedera wan xîne. Lê di vê fotografê de, tu þopên rojên
bê naxuyin. Haya wan hê ji rojên bê nîn e. Ew li kêleka hevûdu sekinîne
û bi ken dipeyivin. Safter destê xwe ber bi Tevfîk kiriye û bi ken jê
re tiþtekî dibêje. Singa wî derketî, serê wî hinekî li pêþ e. Tevfîk destê xwe
yê rastê rakiriye û bi tilî Safter nîþan dide. Ew jî dikene. Kamuran destê
xwe biriye ser serê xwe û bi porê xwe dilîze. Ew jî bi ûsil dikene. Herçî
Celadet, birayê mezin e, wî jî, mîna piraniya caran, herdu destên xwe xistine
bêrîkên pantolonê, xwe hinekî ber bi pêþ xwar kiriye û li Safter dinihêre.
Kenekî geþ li ser rûyê wî ye jî.
Ken, kêfxweþî û geþî hakîmî vê wênê ye. Mîna ko ew ji mirinê, þewat û
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 131