You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
kolan û kuçeyên Wiyanayê geriyane, bajarê nû keþf kirine. Ew di berbanga<br />
sibê de daketine Wiyanayê.<br />
Belê, em li ber destê sibê, saet 7.15, gihîþtin Wiyanayê. Saet 10.30-an<br />
trênek hebû. Lê em bi wê trênê neçûn. Em hatibûn Wiyanayê, bajarê du<br />
hezar salan, bajarê medeniyet û musîkê. Hê di dewr û dewrana Roman de,<br />
gava wan ev bajar ava kiribûn, navê wî lê kiribûn; Cortigiano. Yanê mîsala<br />
zerafet û kîbariyê. Em hatibûn bajarê mîsalên xweþ ko em li pey bûn.<br />
Bêguman e ko me nikaribû vî bajarî, weha, bêyî ko bibînin, terk bikira. Me<br />
biryar da ko em dakevin bajêr û bi trêna êvarê rêwîtiya xwe bidomînin.<br />
Tevî ko bayê þerekî kambax ew hejandibû,Wiyana hê jî ji bedewî û spehîtiya<br />
xwe tu tiþt winda nekiribû. Ew gotinên te yên jor ko te li ser<br />
Wiyanayê gotin, mîna gotinên kitêbokên rêwiyan in ko hingî di gera me<br />
ya bajêr de, di destê me de bûn jî. Her çawan ko gotinên weha nikarin<br />
ruhê bajarekî salix bidin, ew têrî taswîra ruhê bajarê Wiyanayê jî nakin.<br />
Wiyanaya ko me ava wê vexwar û nanê wê xwar, bajarekî yekta ye çandê<br />
bû. Bi qewlê fransizan, ew bajarekî »civile« bû. Mîna Stembolê, ew heta<br />
dev tijî esker, cendirme û zabit nebû. Bîhna musîk, huner, çand û edebiyatê<br />
jê difûriya. Avahiyên bajêr ên kevnare ko digel hezar salên ko bihurîbûn,<br />
hê jî bi asalet bilind dibûn, kelehên qaîm ên huner û musikê bûn.<br />
Musîkjenên mezin Gluck, Haynd, Mozart, Beethowen, Schubert, Brahms û<br />
Strauss ko me dê bi dû re pir lê guhdarî bikirana, ji wî bajarî ronahiya<br />
musîkeke nû bi dinyayê gîhandibûn. Li wî bajarî ruh, hîs, deng û pejnên<br />
çand û miletên cihê, mil bi mil, bi hev re, piyase dikirin. Di wî bajarî de zêde<br />
rê nîn bûn ko meriv bikaribiya ji bo jîna xwe, þixul û meslekê hilbijarta.<br />
Meriv li wir, bêgav, mecbûr bû bibe musîkjen û musîkþînas, nivîskar û nivîsevan,<br />
evîndar û evînhez...<br />
Em, ez, Kamuran û fransizekî jêhatî yê bajarê Wiyanayê, ko me bi<br />
tesadufî li Wiyanayê nasî, bi hev re, çûn qonaxa Lichnowsky ko Beethoven<br />
tê de eserên xwe yên yekta îcra kiribûn, me Saraya Mezin ko mazûbanî li<br />
Napoleon kiribû, ziyaret kir, me avahiya Esterhaziler ko hê jî jê dengên<br />
musîka Haynd dihat, dît, me tiyatroya Burgê ko hertim tê de klasîkên<br />
medeniyeta roava dilîstin, dît. Em çûn taxên derveyî bajêr ko ordiyên osmaniyan<br />
heta wê derê hatibûn û mecbûrî jê vegeriyabûn. Me donzdeh<br />
saetên jibîrnebûyî, li wî bajarê Ewrûpa Navîn bihurandin. Û gava em bi trêna<br />
êvarê ji bajêr derketin, min ji bo bajêr, bi tirkî, weha nivîsî; Viyana cidden<br />
muazam ve muhteþem bir þehir...<br />
E-POSTE: INFO@NEFEL.COM MALPER: WWW.NEFEL.COM<br />
BÎRA QEDERÊ • 121
Change language