Bîra qederê - Nefel

ev fotografa yekemîn be ko tê de çav û nerîna Celadet evçend kûr û
manîdar e. Celadet li ko dinihêre? Bi îhtimaleke pir mezin, bêyî ko haya
wî jê hebe, ev fotograf tê kiþandin. Bi gotina îlmê fotografê, ew bê hazirî
tê girtin. Ew, sade, rehet, rûniþtiye, milê xwe yê rastê daniye ber devê
pencerê û li der, bi hemû kûrahiya nerînê, li dûr dinihêre. Belê, ew pir li
dûr dinihêre, lê nerîna wî ne nerîneke diyar, misoger û têkûz e. Ji bervajiyê,
nerîna wî nerîneke vala ye. Ew kûr li dûr dinihêre, lê heþê wî li dereke
din e. Çavên wî li ser roniya derve ye, lê heþê wî li ser pejn û hîsên ko di
hundirê wî de pêl didin e. Çav li der dinihêre, lê ew li dinya hundirê xwe
difikire. Trên dere, yan jî ew ê here. Trên ê wî û rûpelên romana Bîra
Qederê ber bi ko de bibe? Heta kengê, çawan? Ev çûyin ê kîjan riyên nû
li ber wî veke? Ma her çûyinekê vegerekê jî navê? Hingê veger kengê ye?
Çawan û di kîjan þert û mercan de? Ya jiyana ko li pey dimîne? Kes û
nasên ko li pey vê çûyinê dest hildidin? Ew ê wan, dîsan, kengê bibîne? Ji
nerîna çav baþ dixuye ko Celadet di nav hîsên weha de ye.
Çav nerm û aram, melûl û zîz e. Çav nîvçe vekirî ye, heye ko ew
giriyaye, yan jî kelgirî bûye, yan jî bi pêlên hîsan sermest bûye... Kî
dizane? Eniya fireh û poz, ew pozê ko dapîra Bedirxaniyan Rûþen
Xanimê mîna »pozê beranan« bi nav dikir, nerîna kesertijî ya çav temam
dikin. Pêþiya eniya fireh û dirêj, hinekî, dibiriqe. Heye ko tîrêjeke ronahiya
derve xwe gîhandiyê û bi germî wê radimûse. Porê ko bi qasî sê
tiliyan dirêj e û ber bi paþ, bi hostehî û bi huner, hatiye þehkirin jî, mîna
enî, hinekî dibiriqe. Lê ronahî xwe bi cênîkê ko zêde ne dirêj e, nagihîne.
Cênîk, hinarik û guhê mezin û dirêj perçeyên aliyê tarî yê wênê ne. Gelo
danê sibê ye, yan danê êvarê ye? Tava wê kurte-demê li ko ye, li esmanan,
li pey asoyan û li ber avaçûnê, li ku?..
Herçî pozê dirêj e li rûyê dirêj tê. Poz, mîna nikulê teyrê eylo, ber bi jêr
dibe. Simbêl her mîna xwe ye, qemerî, kin û kurt. Devê dirêj girtî ye,
lêvên qelaw li ser hev in.
Stûyê îþligê girtiye û qirawateke zirav û reþ pê ve ye. Xêzên zirav û dirêj
ên reþ ên li ser îþligên spî moda salên 20-an nîþan dide. Ev celeb îþlig,
îþligên stûkurt û xêzdirêj mensûbiyeta xwediyan baþ nîþan dide; ronakbîr,
nivîskar, rojnamevan, arîstokrat, siyasetger...
Ev hemû tiþt û hîn tiþtên din di nav vê wênê de dixuyin. Lê gelek tiþtên
din jî hene ko di vê wênê de ne, lê veþartî, ne xuyayî. Herwekî ko hatiye
gotin, fotograf bi herdu milên xwe, milê xuyayî û yê nexuyayî, hêja ye.
Gava aliyê veþartî li aliyê xuyayî zêde be, yan jî pê temam be, hingê ew fo-
116• BÎRA QEDERÊ E-POSTE: INFO@NEFEL.COM MALPER: WWW.NEFEL.COM