Bîra qederê - Nefel

FOTOGRAF 7: »Derketî; terka welatê xwe da û
kete dinyayê xwedê rêberiya derketiyan bike!..«
1Fotografa heftan a romana Bîra Qederê, meriv dikare bibêje, fotografa
keserê ye. Yan jî, eger meriv bixwaze hinekî dûrbîn be û
bikaribe xwe bigihîne »pey« fotografê, meriv dikare bibêje; fotografa
heftemîn a Bîra Qederê destpêka riya kambax a keserê ye.
Fotografa ko hinekî tarî ye û nîþana tarîtiyê ye, welê bi keser dixuye.
Keser hatiye û ev wêna ko di kurte-demeke jiyanê de ew kurtedema
kambax kiriye nemir û bi dû re jî ew kurte-dem kiriye fotografa vê romanê,
bi her awayî, vegirtiye...
Keser, stirîhên jiyanê, stirîhên ko dora gulê rapêçane, hatiye û dora vê
wênê rapêçaye...
Li ser kaxizê riziyayî yê nemir lehengê vê romanê, yan jî kesê ko bûye
sebeba afirîna vê romanê, Celadet Alî Bedirxan dixuye. Di nav reþahiyeke
tenik de, bi tenê ew dixuye. Wî destê xwe yê rastê daniye ber pencereyeke
trênekê û li der dinihêre. Di nav kompartimaneke tirêneke bênav û
bênîþan de, ew, hinekî stûxwar, li cîhana derve ko pencera trênê ew jê veqetandiye,
dinihêre. Foto ji aliyê kêlekê hatiye kiþandin. Loma jî bi tenê
aliyekî Celadet dixuyê. Kompartiman hinekî tarî ye, eger meriv kesê nexuyayî
yê ko ev foto kiþandiye nehesibîne, ji Celadet pê ve tu kesê din naxuyê.
Aliyê din ê pencerê yê derve ronî ye. Reþ û spî li kêleka hev in, bi tenê
pencere wan ji hevûdu vediqetîne. Meriv dikare, bi zimanekî basîd, weha
bibêje; ji çara sisiyê vê wênê tarî ye, ji çara yek jî ronî.
Trên ber bi ko de dere? Ew li ko ye, çawan e, cîh û warên ko Celadet bi
kûrahî lê dinihêre, çi dever in? Di wênê de, ev ne diyar in, jê fahm nabe.
Lê reþahî û hinekî jî ronahiyê wêne vegirtine.
Rûyê Celadet ê xort bi xem û keser e. Xem û kesera li ser rû baþ dixuyê.
Di wênê de bi tenê çavekî dixuyê. Ji aliyê din ê rû bi tenê birû û bijangên
çavê din dixuyin. Lê belê, tevî ko herdu çav, bi hev re, baþ, naxuyin,
navenda fotoyê çav e. Di navbera hemû fotografên Celadet de, heye ko
E-POSTE: INFO@NEFEL.COM MALPER: WWW.NEFEL.COM
BÎRA QEDERÊ • 115