Grawimetriýa. Okuw gollanmasy

[kwarsdan ýasalan sim], 2-leňňer (ryüag); 3-serpikdiriji aýna, 4-gozganmaýan aýnanyň
kronşteýni (esasy); 5,6 –esas kwars plastinka, 7-platinadan ýasalan halka.
Surat -9.
Leňňeriň gorizontal
ýerleşmegini 630˚ burça
towlanan sapak üpjün edýär. Q
arkaly aýlanma burçy bellenen,
α arkaly – ýapgytlyk burçy,
τ-sapagyň towlanma koeffisiýenti, l-leňňeriň egni, m-onuň massasy. Deňagramlylyk deňlemesi
aşakdaky görnüşde ýazylýar.
Qτ=mlgcosα (1.67).
Eger-de sistema (ulgam) başga bir nokada (g 1 ) geçirilse, onda Q we α üýtgärler, ýagny, (1.67)
deňlemä derek alarys
(Q+δQ)τ=mlg 1 cos(α+δQ) (1.68).
Leňňere berkidilen aýnany öňki ýagdaýyna getirmek üçin leňňeri Δα burça ýapgytlandyrmaly.
Onda alarys
Qτ= mlg 1 cos(α+δQ+Δα) (1.69)
Şeýlelik bilen, agyrlyk güýjüniň Δg ulalmagy, gorizontal tekizlige görä ýapgytlyk burçy Δα
ululyga ulalar.
Metalliki grawimetr kwarsly grawimetrden düýp-göter tapawutlanýar. Onuň maýyşgak
sistemasynyň (ulgamynyň) hereketli elementi agyrlyk güýjüniň üýtgemegi netijesinde, has kiçi
süýşmeleri amala aşyrýar. Metalliki grawimetrleriň nazarýetinde (teoriýasynda) deformasiýalaryň
agyrlyk güýjüne proporsionaldygy kabul edilendigi mälim. Şoňa görä
l=l 0 =(1/τ) mg (1.70)
Differensirläp, maýyşgak sistemanyň hereketli elementi P
bilen agyrlyk güýjüniň tizlenmesiniň üýtgemeginiň Δg arasyndakybaglanyşygy alarys.
dl/l-l 0 =dg/g (1.71)
Bu ýerde dg=1 mGal bolanda dl süýşme 10 -6 (l-l 0 ) deň bolar. Eger-de pružiniň uzalmasy l-l 0 10
sm deň bolsa, süýşme 0,1 mkm deň bolar. Hereketli elementiň süýşmelerini hasaba almak üçin, kiçi
süýşmeleriň indikatorlary diýip atlandyrylýan gurluşlar ulanýarlar. Bu maksatlar üçin, 100-lerçe
esse ulaldýan, optiki mikroskoplary ulanýarlar.
Maýyşgak sistemanyň statiki deňagramlylyk ýagdaýyna temperaturanyň we daşky sredanyň
dykyzlygynyň üýtgemegi täsir edýärler, olaryň täsirini ýok etmek (deňagramlaşdyrmak) üçin
grawimetrlerde ýörite gurluşlary ulanýarlar.
Mehaniki grawimetrler aşakdaky esasy düzüm böleklerinden durýarlar:
1) maýyşgak sistema (ulgam); 2) kiçi süýşmeleri hasaba alýan gurluş; 3) agyrlyk güýjüni
deňagramlaşdyrýan we ölçemek üçin ulanylýan gurluş; 4) diapazon gurluş (ölçeme çäklerini
saýlaýan gurluş); 5) temperaturany deňagramlaşdyrýan gurluş; 6) atmosfera basyşynyň täsirini
deňagramlaşdyrýan gurluş.
Grawimetrleriň beýleki gurallara görä kesgitli üstünlikleriniň barlygyna seretmezden olar käbir
uly kemçiliklere eýedirler. Bu kemçilikleriniň esasylarynyň biri-wagtyň geçmegi bilen maýyşgak
sistemanyň metarialynyň häsiýetleriniň üýtgemegidir. Ol bolsa grawimetriň ölçemeleriniň
hasabatynyň (otsçýotynyň) üznüksiz üýtgäp durmagyna getirýär, şol sebäpli hem iş başlamazdan
ozal her bir guraly kalibrowka edip durmak zerur bolýar.
Metalliki grawimetrler ulanylýan maýyşgak sistemanyň görnüşine görä üç topara bölünýärler.