Modul 3. Elektron hökümeti ulanmak

Bilimleri dolandyrmak strategiýasy öz içine şu ädimleri alýar:
1. Haýsy bilimleriň gymmatlyk bolup durýandygyna düşünmek.
2. Bilimleri döretmeklige we netijeli ulanmaklyga maýa goýmak.
3. Üstünlige ýetmek üçin bilimleriň kapitalynyň gymmatlydygyny ykrar
etmek.
4. Bilimleri olara goşant goşup ýa-da ulanyp biljek ähli adamlar üçin elýeterli
etmek.
5. Ýokary ýolbaşçylygyň borçnamalaryny we ýolbaşçylygyny üpjün etmek.
6. Bilimleriň aktiwi artar ýaly atmosferany döretmek.
7. Bilimlere strategiki aktiw hökmünde seretmek. 39
Koreýa Respublikasynda bilimleri dolandyrmagyň elektron ulgamy
Koreýa hökümetinde milli strategiki dolandyryşyň real wagt režiminde işlerini
üpjün edýän ulgam iki komponentden durýar: bilimleri dolandyryş ulgamy (KMS
– Knowledge Management System) we hökümediň işini dolandyryş ulgamy.
Elektron KMS syýasaty işläp düzmek prosesiniň barşynda teklip edilen dürli
ideýalary bellige almagyň we ulanmagyň, soňra bolsa resminamalary elektron
dolandyryşyň üsti bilen ýaýratmagyň mümkinçiliklerini berýär, bu çözüwleri
netijeli kabul etmäge mümkinçilik berýär.
Elektron KMS şu görnüşde işlenilip düzülipdi:
1. Prezidentiň administrasiýasy toparlaýyn iş üçin birinji programma
üpjünçiligini kabul etdi.
2. Sifrleýin ýerine ýetiriji ofisi guramaga ýetmegiň serişdelerini kesgitlemek
üçin informasiýany ulanmak boýunça strategiýany meýilnamalaşdyrmak amala
aşyryldy.
3. Prezidentiň administrasiýasynyň sifrleýin taslamasy üçin birinji tapgyr
hökmünde žurnaly her gün alyp barmaga gönükdirilen tehniki goldawyň elektron
gullugy işe goýberidli.
4. Resminamalary dolandyryş ulgamy taslamanyň üçinji tapgyrynyň
çäklerinde döredildi.
Prezidentiň administrasiýasy üçin elektron KMS-i ösdürmek bilen
informasiýany, resminamalary we meseleleri dolandyrmakda standartlaşdyrmak
39 Şol ýerde
99 Döwlet dolandyryşynyň liderleri üçin IKT Akademiýasy