Modul 3. Elektron hökümeti ulanmak

Toplumlaýyn hasaplaýyş merkeziniň arhitekturasy
Toplumlaýyn IT-arhitektura 4 esasy oblasty gurşap alýar: a) toplumlaýyn
dolandyryş, ol IT-resurslardan, serwis operasiýalaryndan we howpsuzlygy üpjün
etmek boýunça müdiriýetden durýar; b) torlaýyn enjamlar, ätiýaçlyk saklanyşy
we howpsuzlyk ulgamy üçin infrastruktura; w) her oblast üçin inžener-tehnolog
(adam resurslary), şol sanda, amaly goşundylar, maglumatlar bazalary, apparat
serişdeleri we torlar; g) her oblast üçin tehniki goldaw we administratiw hyzmat
gulluklarynyň üsti bilen goldaw.
Elektron hökümetiň operasiýalarynyň howpsuzlygy we durnuklylygy dünýä
derejesindäki dolandyryş ulgamlary we standartlaşdyrylan hünärment
gulluklarynyň işi bilen üpjün edilýär. Hakykatda, Koreýa Respublikasynyň
elektron hökümeti döwlet sektorynyň dünýäde ISO 2000 şahadatnamasyny alan
birinji guramasy boldy.
Ulgamy ekspluatirlemek bökdençlikleriň öňüni almak maksady bilen
periodiki barlaglaryň hasabyna berkidilýär. Professional işgärler düzümi ulgamyň
bozulmalaryna reaksiýa bermäge elmydama taýýar. Ondan başga-da, haker
hüjümleriniň imitasiýasy, gowşak goralýan ýerleri gözlemek, dolandyryşyň krizis
toparynyň işi bilen howpsuzlyk periodiki berkidilýär.
Yzygiderlilik esasy ulgamlaryň maglumatlary üstünlikli geçirmeginiň
hasabyna üpjün edilýär, ol ulgamlar: elektron gümrükhana resmilendiriliş
ulgamlary, raýatlaryň petisiýalary elektron beriş ulgamlary, rezidentleriň
gullukdan aýrylmazdan hasaba alnyş ulgamlary.
Surat 20. Döwlet toplumlaýyn hasaplaýyş merkeziniň arhitekturasy
(Çeşme: So Bong Ýu, Koreýanyň elektron hökümeti:
Biz ony nähili işläp düzüpdik : (KADO prezentasiýasy), 17,
https://www.kado.or.kr/koil/bbs/board_view.asp?config_code=362&offset=0&boa
rd_code=3246)
92 Modul 3: Elektron hökümeti ulanmak