Modul 3. Elektron hökümeti ulanmak

gullukçylaryna ýükleri hem peseltdi. Häkimiýetiň merkezi we ýerli edaralary
hasabatlar ulgamyna birikdirildi, bu netijeliligiň we takyklygyň artmagyna getirdi.
1237 sany obýektiň standartlaşdyrylmagyndan soňra 18 merkezi ministrlikleri
we dolandyryşyň ýerli edaralaryny birikdirmek üçin maglumatlary alyş-çalyşyň
kanaly gurnaldy. Jemi alanyňda sifrleýin görnüşe döwlet hyzmatlarynyň 751
görnüşi geçirildi we hyzmatlaryň 48 görnüşi G2C portala birikdirildi, indi olar
Internediň üsti bilen elýeterlidirler.
Şäher/okrug/etrap administrasiýasynyň işini gowulandyrmak üçin 1998-nji ýyl
we 2003-nji ýyl aralygy döwründe şäher/okrug/etrap administrasiýasynyň
informatizirlenilmegi boýunça taslamanyň çäklerinde 21 sany administratiw işçi
prosesi sifrlenildi. 2003-nji ýylda şäher, okrug we etrap dolandyryş edaralary
ozal oba administrasiýalary tarapyndan ýerine ýetirilýän rezidentleriň hasaba alnyş
proseslerini dolandyrmagy hem öz üstüne dolulygyna aldy.
Biznes-prosesleriň täzeden gurnalyş wagtynda we 2005-nji ýylda sifrlemek
taslamasy üçin ISP wagtynda şäher/okrug/etrap derejelerinde ýerli elektron
hökümetiň maksatlary we meseleleri takyklanyldylar, hem-de bolsa 20 sany öňe
sürülýän taslamalar kesgitlenildiler. Bahalara görä, 2897 sany resminamalar
sifrleýin görnüşe geçirildiler we umumy elýeterlilik üçin goýuldylar, şonuň bilen
bitewi serwisiň (one-stop) işe goýberilmeginiň mümkinçiligini berdi, hem-de
birnäçe edaralara barmagyň gerekdigini azaltdy. Ondan başga-da, MOGAHA-nyň
üstüne (2008-nji ýylda MOPAS-a täzeden at berildi) informasion ulgamyň
tapgyrlaýyn işlenilip düzülmek hem-de olary 2012-nji ýylda 234 ýerli
administratiw edaralarda ýaýbaňlandyrmak meselesi ýüklenildi.
Öň beýan edilişi ýaly, Koreýa Respublikasynyň ýerli elektron hökümeti teklip
etmek, işläp düzmek we ornaşdyrmak boýunça tagallalary çylşyrymly proses bolup
durýar. Ähli taslama sikliniň dowamynda dürli soraglara seretmek gerekdir.
Aşakda Filippinleriň mysaly getirilýär.
Filippinlerde e-LGU taslamasy
Ähli hökümet edaralaryna, ýerli häkimiýet edaralaryny (ÝHE) hem öz içine
almak bilen, döwlet operasiýalarynda elektron serişdeleri ulanmagy belleýän
elektron telekeçilik barada kanuny kabul etmeklige jogap hökmünde Filippinleriň
Milli hasaplaýyş Merkezi (MHM) 2002-nji we 2005-nji ýyllar aralygynda ýerli
dolandyryş edaralarynda elektron dolandyryş taslamasyny (e-LGU) işe goýbermegi
81 Döwlet dolandyryşynyň liderleri üçin IKT Akademiýasy