Modul 3. Elektron hökümeti ulanmak

elektron infrastrukturasyny ornaşdyrmak ýoly bilen netijelilik ýokarlandyryldy we
ilata hyzmat etmek gowulandyryldy.
Surat 17. Koreýa Respublikasynda dolandyryşyň ýerli edaralarynyň
kompýuterleşdirilen ulgamynyň konsepsiýasy
(Çeşme: Kompýuterleşdirmek boýunça Milli Agentlik, Koreýada elektron hökümet
(Seul: Kompýuterleşdirmek boýunça Milli Agentlik, 2002), 47,
http://unpan1.un.org/intradoc/groups/public/documents/APCITY/UNPAN023903.pdf)
Koreýa Respublikasynda dolandyryşyň ýerli edaralaryny sifrleýin görnüşe
özgertmek 1997-njy ýylda şäherler, okruglar we etraplar üçin ählumumy
administratiw informasion ulgam üçin esasy meýilnama taýýarlanylanda başlandy.
2000-nji ýylda dört şäherde pilot ulgamy şowly aprobasiýadan geçenden soňra ol
bütin ýurt boýunça ýaýbaňlandyryldy we häzirki wagtda 232 şäheri, okrugy we
etraby gurşap aldy. Raýat petisiýalaryny bermek, hasaba almak we gaýtadan
işlemek indi tutuş ýurt boýunça elýeterlidir, raýatlar üçin bolsa kiosklar diklenidli,
ol ýerde olar şahadatnamalary bermek boýunça 37 dürli hyzmatlara elýeterlilik
alyp bilerler.
Raýatlar üçin ýerli elektron hökümetiň ulgamynyň artykmaçlygy kagyz işiniň
göwrüminiň we degişli döwlet edaralaryna baryp görmeleriň sanynyň ep-esli
azalmagyny öz içine alýar. Bu, öz gezeginde, biznese-gönükdirilen döwlet
hyzmatlaryndan müşderä-gönükdirilen hyzmatlara geçmegi şöhlelendirýär.
Hökümetiň nukdaýnazaryndan kompýuterleşdirmek we integrasiýa merkezi
we ýerli dolandyryş edaralarynyň arasynda has jebis hyzmatdaşlygy, administratiw
ulgamy kämilleşdirmegi, netijeliligi ýokarlandyrmagy aňladýar. Meselem, Koreýa
Respublikasynda dolandyryşyň 18 umumy oblastlarynda 904 işçi prosesleriň
awtomatlaşdyrylmagy işçi proseduralaryň netijeliligini ýokarlandyrdy, şol bir
pursatda bolsa operasiýalary dublirlemegiň öňüni almagyň hasabyna döwlet
80 Modul 3: Elektron hökümeti ulanmak