Modul 3. Elektron hökümeti ulanmak

16-njy suratda görkezilişi ýaly NAFIS 10 moduldan ybarat.
Býujeti taýýarlamak we býujet serişdelerini paýlamak modullary hökümet
tarapyndan ähli býujet proseslerini gurşap alýar.
Hasaplary we tölegleri dolandyrmak modullary salgyt we salgytlaýyn däl
girdeji girişleri we döwlet çykdajylaryny gurşap alýar.
Esasy buhgalter kitabynyň moduly ähli buhgalter operasiýalarynyň hasaba
alynmagyny, jemleýiş ýylyk hasabatlaryny, hem-de bolsa her döwlet edarasynyň
salgyt hasabatlylygyny gurşap alýar.
Pul serişdelerini dolandyrmak moduly nagt puluň, goýberilen pullaryň
(assignowaniýeleriň) hereketini çaklamagy, hem-de bolsa merkezi bank
tarapyndan nagt serişdeler bilen boş amallaryny geçirmegi gurşap alýar.
Aktiwleri we bergileri dolandyrmak moduly milli emlägi dolandyrmagy gurşap
alýar, meselem, ýerleri, jaýlary, uçarlary we gämileri, hem-de bolsa degişli
ätiýaçlandyryş töwekgelligini dolandyrmagy.
Jemleýin maliýe statistikasy moduly öz içine ähli döwlet edaralaryndan
konsolidirlenen maliýe maglumatlary esasynda maliýe hasabatlaryny düzmegi
alýar.
Maliýe derňewi moduly makroykdysady çaklamagy we modelirlemegi,
maliýe indeksleriniň derňewini we öndürijiligi ölçemegi gurşap alýar.
NAFIS beýleki içerki we daşarky ulgamlar bilen bilelikde hereket edýär, ol
dürli döwlet edaralarynda özbaşdak işleýän 23 maliýe ulgamlaryny birleşdirmek
bilen real wagt režiminde milli maliýe işewürligini dolandyrmagy amala
aşyrmaga mümkinçilik berýär.
Ýerli we ýörite maglumatlar we buhgalter hasabynyň sanawnamalary milli
maliýe informasion ulgamda jemlenendirler. Koreýa Respublikasynda 40 maliýe
informasion ulgamlary işleýärler. NAFIS hökümetiň strategiki çözüwleri kabul
etmegi goldaýan umumy buhgalteriýasyny we maliýe dolandyryşyny gurşap alýar.
77 Döwlet dolandyryşynyň liderleri üçin IKT Akademiýasy