Modul 3. Elektron hökümeti ulanmak

awtomatlaşdyrýarlar, şunlukda, kärhananyň serhetlerini çig maldan taýýar önüme
çenli giňeldýärler.
Hökümetler c-telekeçiligi goldamak ulgamlaryny hem-de firmalaryň
arasyndaky netijeli bilelikdäki hereket üçin optimal algoritmleri işläp düzüp we
ýaýbaňlandyryp bilerler. Hökümet bu taslamalardan peýda görüjiler hökmünde
geljegi bar bolan KOK-lar bilen c-telekeçiligi ösdürmek üçin pilot taslamalara
hemaýat berip biler. Häzirki bar bolan korporatiw medeniýet, adatça, ýapyk we
aýdyň däldir, diýmek, hökümede informasiýany alyş-çalşyga hemaýat bermek
gerekdir. B2B görnüşli elektron telekeçiligiň bökdençsizligi we informasiýanyň
alyş-çalşygyny üpjün etmek üçin netijeli interfeýsleri işläp düzmek we
maglumatlaryň we protokollaryň standartlaşdyrylmagyna hemaýat bermek gerek,
olar transaksiýalaryň autentikasiýasyna we informasion howpsuzlygy üpjün
etmeklige goldaw bererler.
B2B torlary giňeltmek. Hökümet önümçilik senagaty we hyzmatlar
sferasynda bu pudaklaryň konkurensiýa ukyplylygyny ýokarlandyrmak üçin
elektron biznesiň ösmegine hemaýat bermelidir. Koreýa Respublikasynda hökümet
alty esasy pudaklarda (elektronika, awtomobil gurluşygy, gämi gurluşygy, polat
öndüriş senagaty, agyr senagat we dokma senagaty) transaksiýalaryň umumy
jeminden elektron telekeçiligiň 30 göterim hem-de senagatyň beýleki
pudaklarynda 25 göterim paýyna ýetmegi maksat edip goýdy. Hökümet her
pudagyň standartlaşdyrylmagy we elektron kataloglaşdyrylmagynyň soraglarynda
B2B görnüşli elektron telekeçiligiň infrastrukturasyny döretmegi goldady. 2005-
nji ýylda 50-den köp pudaklarda öz B2B torlary guruldy.
Logistikany we B2B görnüşli elektron telekeçiligi öňe sürmek üçin töleg
ulgamlaryny gowulandyrmak. Degişli ulgamlar bilen baglanyşdyrylan
logistikanyň bilelikdäki ulgamy (meselem, maliýe informasion ulgam) B2B
görnüşli elektron telekeçilige hemaýat bermegiň esasy komponenti bolup durýar.
Logistikanyň beýle ulgamy intellektual transport ulgamy we geografiki
informasion ulgam esasynda, hem-de bolsa aragatnaşygyň simsiz torlaryna
birikmek ýoly arkaly gurlup bilner.
Ondan başga-da, elektron telekeçiligi üçin ygtybarly we howpsuz gurşawy
üpjün etmek üçin elektron töleglere degişli kanunlar we düzgünler
kämilleşdirilmeklige mätäçdirler. Elektron tölegler üçin infrastrukturany
giňeltmek we hususy identifisirlemek ulgamyny girizmek, hem-de bolsa elektron
pullaryň goralyp saklanmagyny üpjün etmek üçin howpsuzlygy dolandyrmak
ulgamlaryny girizmek gerek.
70 Modul 3: Elektron hökümeti ulanmak