Modul 3. Elektron hökümeti ulanmak

1995-nji ýylda Fillipin gümrükhana müdiriýeti (FGM, BOC - Bureau of
Customs) Bütindünýä Banky we UNCTAD bilen hyzmatdaşlykda import üçin
gümrükhana rugsatnamalaryny gaýtadan işlemek, ýygymlary tölemek we öz
gümrükhana amallary üçin goýberiş orderlerini eltmek üçin onlaýn ulgamy
ornaşdyrdy.
Müdiriýet ASYCUDA 28 ulgamyny saýlap aldy, ol UNCTAD tarapyndan
işlenilip düzülen, giňden ulanylýan gapyrjak programma üpjünçiligi bolup durýar.
Kagyzy bütinleý diýen ýaly ulanmaýan ulgam ýygymlary we salgytlary gös-göni
ygtyýarlandyrylan banka-agente tölemäge mümkinçilik berýär. Ýygymlaryň we
salgytlaryň jemi FGM-iň maglumatlar bazasynda ýazylan jem bilen deňeşdirilýär
hem-de iki ululyklaryň deň bolan ýagdaýynda goýberiji order ýazylýar. Bu
gümrükhana resmileşdiriş prosesini çaltlaşdyrýar FGM-iň söwdany ösdürmeklige
hemaýat boýunça umumy maksadyna laýyk gelýär.
Ulgam elmegiň/goýbermegiň töwekgellikleriniň bahalandyrylmagyny hem
berýär. Şekiller, ştrih-kodlary ulanmak we maglumatlar bazalaryna daşarky onlaýn
salgylanmalar ähli sarp edijilik we ammar obýektleriniň pes, orta we ýokary
töwekgellikli hökmünde klassifikasiýasy üçin ulanylýarlar, bu öz gezeginde
resminamalary barlamagyň derejesiniň we fiziki barlagyň gerekliginiň
kesgitlenilmegine getirýär.
Daşamaklygy ahyrky goýberiş Onlaýn goýberiş ulgamy tarapyndan amala
aşyrylýar, ol portdan birnäçe kilometrde ýerleşen ýerli konteýner ýük stansiýasy
bilen operasiýalary utgaşdyrmak üçin umumy telefon ulgamy ulanýar.
Ondan bäri ulgam ASYCUDAWorld (elektron gümrükhana) taslamasynyň
çäklerinde täzelendi, ol öz içine esasy ulgamy we goldaw ulgamyny
kämilleşdirmegi, şol sanda, enjamlary we torlaýyn infrastrukturany aldy. Hususanda,
ASYCUDAWorld aşakdaky kämilleşdirmeleri teklip edýär:
Internetde deklarasiýalary bermek
Deklarasiýanyň ýagdaýy barada awtomatiki habarnama bermek
Goşmaça serwis-hyzmatdaşlary ulanmak
Internetde awia- we gämi gatnadýan kompaniýalar tarapyndan
manifestleri bermek, şol sanda, dekonsolidatorlar tarapyndan (ýük
akymlarynyň maýdalanmagy bilen meşgul bolýan kompaniýalar)
Resmi däl (ýolagçynyň bagažynyň ulgamyny öz içine almak bilen),
saklamak we tranzit ýük daşamalar ýaly import operasiýalaryň beýleki
görnüşleriniň awtomatlaşdyrylan prosesi
Sarp ediliş materiallaryny hasapdan çykarmagyň awtomatlaşdyrylan
prosesi
Obligasiýalar bilen amallaryň merkezleşdirilen dolandyrylyşy
28
Gümrükhana Maglumatlary üçin Awtomatlaşdyrylan Ulgam (Automated System for Customs Data).
66 Modul 3: Elektron hökümeti ulanmak