Modul 3. Elektron hökümeti ulanmak

Emma ulag serişdeleriniň häzirki toplumlaýyn administratiw ulgamyny
ýaýbaňlandyrmak üçin tutuş onýyllyk gerek boldy. 1991-nji ýylda esasy üns ulag
serişdeleriniň hasaba alynmagyna we tehniki gözden geçirilişine berildi, bu
awtomobil gulluklarynyň umumy netijeliligini gowulandyrmak üçin ýeterlik däldi,
sebäbi şu goldaw hyzmatlary ýalylara ýeterlik üns berilmeýärdi: ulag
serişdeleriniň spesifikasiýalaryny dolandyrmak, sürmeklige wagtlaýyn we
hemişelik sürüjilik hukuklary hem-de olaryň berlişi. 1998-nji ýylda ulag
serişdelerini dolandyrmagyň has göwrümli gurşap alyjy ulgamy işlenilip düzüldi;
ol öz içine hasaba almakdan başlap, inspeksiýa we tehniki gözden geçirilişe çenli
administratiw meseleleriň ähli spektrini alýardy. 1999-njy ýylda iki tigirli ulaglary
we gurluşyk tehnikasynyň ulag serişdelerini hasaba almak ulgamy goşuldy, iki
ýyldan soňra dürli edaralara ulag serişdeleri barada maglumaty ýygnamaga we
alşyp-çalyşmaga mümkinçilik berýän umumy kabul edilen platforma işlenilip
düzüldi.
Integrirlenen ulgam netijede 8,2 milliard koreý wony (ABŞ-yň 8,2 million
dollary töweregi) tygşytlady. Ol hökümete hem, şeýle-de raýatlara hem köp wagty
tygşytlaýar ‒ bir ulag serişdesini hasaba almak indi bir sagadyň ornuna diňe 20
minudy alýar.
Surat 13. Koreýa Respublikasynyň ulag serişdelerini
hasaba almak gullugynyň konsepsiýasy
(Çeşme: Kompýuterleşdirmek boýunça Milli Agentlik, Koreýada elektron hökümet
(Seul: Kompýuterleşdirmek boýunça Milli Agentlik, 2002), 19,
http://unpan1.un.org/intradoc/groups/public/documents/APCITY/UNPAN023905.pdf).
Oýlanmak üçin soraglar
60 Modul 3: Elektron hökümeti ulanmak