Modul 3. Elektron hökümeti ulanmak

SÖZBAŞY
Döwlet dolandyryşynyň liderleri üçin IKT Akademiýasynyň modullarynyň
tapgyryny işläp düzmek prosesine syýahat hakykatdan hem ylham beriji we
öwrediji tejribe boldy. Ol diňe bir IKT oblastynda potensialy döretmekde
boşluklary doldurmak üçin hyzmat etmedi, eýsem köpsanly adamlaryň gatnaşmagy
we prosese dahyllylyk duýgusy arkaly okuw kurslarynyň maksatnamalaryny işläp
düzmek üçin täze ýoly geçirdi.
Akademiýa IKTÖ AÝOM maksatnamalarynyň flagmanydyr, ol bar bolan
okuw materiallaryň güýçli we pes taraplarynyň işeňňir barlaglarynyň we
derňewiniň esasynda, hem-de öňdebaryjy bilermenleriň arasynda resenzirlemek
prosesinde işlenilip düzüldi. Köp sebitlerde Akademiýanyň okadyjy maslahatlary
geçirildi, olar dürli ýurtlardan bolan gatnaşyjylaryň arasynda tejribäni we bilimleri
alyş-çalyş etmek üçin bahalandyryp bolunmajak mümkinçiligi üpjün etdiler, bu
proses Akademiýanyň uçurymlaryny modullary laýyklaşdyrmakda we emele
getirmekde alyp baryjy oýunçylara öwürdi.
Akademiýanyň başdaky sekiz modullaryny milli derejede okatmaga başlamak
ähli sebit boýunça ösüş üçin IKT syýasatyny işläp düzmek (IKTS) oblastynda
potensialy güýçlendirmek üçin bar bolan hyzmatdaşlyk gatnaşyklaryny berkitmek
we täzelerini gurmak boýunça kemala getiriji prosesiň döremegini aňladýar. IKTÖ
AÝOM syýasaty ähli işläp düzüjileri Akademiýa tarapyndan gurşap almak
prosesini üpjün etmekde özüniň esasy çemeleşmesi hökmünde milli
Akademiýalaryň işleriniň başynda tehniki goldawy bermäge taýýardygyny
aňladýar. Merkez merkezi, döwlet we ýerli dolandyryş edaralary bilen eýýäm göni
baglanyşygy bolan sebitleýin we milli okuw edaralarynyň birnäçesi bilen, olaryň
IKTS oblastynda potensialyny güýçlendirmek üçin, Akademiýanyň milli
zerurlyklara we öňe sürülýän meselelere aýratyn üns berýän modullaryny
anyklamak, terjime etmek we olary okatmak ýoly bilen ýakyndan hyzmatdaşlyk
edýär. Bar bolan modullaryň çägini we gurşap alşyny mundan hem buýanky
giňeltmek we täzelerini işläp düzmek boýunça meýilnamalar hem bar.
Ondan başga-da, IKTÖ AÝOM Akademiýanyň modullarynyň mazmunynyň
sebitde has uly auditoriýa ýetmegini üpjün etmek üçin köp derejeli çemeleşmäni
ýarag edinýär. Sebitleýin we milli Akademiýalaryň üsti bilen Akademiýanyň
materiallaryny gös-göni okatmak bilen bir hatarda IKTÖ AÝOM öz IKTÖ AÝOM
Wirtual Akademiýasyny esaslandyrdy (APCICT Virtual Academy, AVA), ol
Akademiýanyň torlaýyn distansion okadyjy platformasy bolup durýar, hem-de ol
gatnaşyjylary öz saýlawy boýunça materiallary öwrenmek mümkinçiligi bilen
üpjün etmek üçin niýetlenilen. AVA prezentasiýalaryň slaýdlary we tematiki
barlaglar ýaly Akademiýanyň ähli modullarynyň we bilelikdäki materiallarynyň
torda ýüklemek, köp gezek ulanmak, kämilleşdirmek we ýerleşdirmek üçin ýeňil
5 Döwlet dolandyryşynyň liderleri üçin IKT Akademiýasy