Modul 3. Elektron hökümeti ulanmak

III Tapgyr – Interaktiw
Hökümet torda hyzmatlary berýär, meselem: salgyt deklarasiýalarynyň
ýüklenilýän görnüşleri, ygtyýarnamanyň möhletini uzaltmak üçin ýüztutmalar.
Ondan başga-da, raýatlar üçin hökümetiň maglumat alyş-çalşygyny has oňaýly
etmäge niýetlenilen interaktiw portal ýa-da hyzmatlarly saýt döredilýär we işe
goýberilýär.
IV Tapgyr – Transaksiýaly
Hökümet özüniň we raýatlaryň arasyndaky ikitaraplaýyn bilelikdäki hereketi
girizmek ýoly bilen özgerip başlaýar. Bilelikdäki hereket öz içine salgytlary
tölemek, şahsyýeti tassyklaýan şahadatnamany almaga ýüz tutmak, dogluş
hakyndaky şahadatnamany, pasportlary almak, ygtyýarnamalary uzaltmak ýaly
mümkinçilikleri, hem-de bolsa G2C beýleki bilelikdäki hereketleri alýar, hem-de
bolsa bu hyzmatlara 24/7 shema (tutuş gije-gündiz) elýeterliligi almaga raýatlara
mümkinçilik berýär. Ähli operasiýalar interaktiw režimde bolup geçýär.
V Tapgyr – Birikdirilen (elmydama aragatnaşykda)
Hökümet bek-ofisiň toplumlaýyn infrastrukturasyny ösdürmek ýoly bilen
ilatyň zerurlyklaryna jogap berýän birikdirilen instituta öwrülýär. Bu elektron
hökümetiň torda iň çylşyrymly derejesidir. Ol häsiýetlendirilýär:
1. Gorizontal arabaglanyşyklar bilen (döwlet edaralarynyň arasynda)
2. Wertikal arabaglanyşyklar bilen (hökümetiň merkezi we ýerli edaralary)
3. Infrastruktura arabaglanyşyklary bilen (bilelikdäki herekete ukyplylyk
bilen)
4. Hökümetiň we raýatlaryň arasyndaky arabaglanyşyklar bilen
5. Ähli gyzyklanýan taraplaryň arasyndaky arabaglanyşyklar bilen (döwlet we
hususy sektorlar, okuw jaýlary, HDDG we raýat jemgyýetçilikleri).
Ondan başga-da, raýatlaryň çözüwleri kabul etmek prosesine elektron
gatnaşygy we çekilmegi hökümet tarapyndan goldanylýar we höweslendirilýär.
Çeşme: BMG-iň resminamalaryndan bölekler, BMG-iň elektron hökümet
boýunça syny, 2008: Elektron hökümetden baglanyşykly dolandyryşa tarap (Nýu-
Ýork: BMG, 2008),
http://unpan1.un.org/intradoc/groups/public/documents/UN/UNPAN028607.pdf.
Telekommunikasion infrastrukturanyň indeksi infrastrukturanyň elektron
hökümetiň hyzmatlaryny bermek ukybyny, şol sanda, aragatnaşygyň stasionar we
mobil serişdeleri üçin telefonlaşdyrylmagyny, hususy kompýuterleriň sanyny,
45 Döwlet dolandyryşynyň liderleri üçin IKT Akademiýasy