Modul 3. Elektron hökümeti ulanmak

Strategiki meýilnamalaşdyryş prosesi aşakda seredilýän bäş tapgyrlardan 8
ybarat. Bu bölümde getirilýän mysal Koreý Respublikasynyň elektron
hökümetiniň ―ýol kartasydyr‖.
Ädim 1: Bar bolan şertleriň derňewi.
SWOT-derňew elektron hökümetiň kesgitli bir maksatlaryna ýetmek üçin
oňaýly ýa-da oňaýsyz bolup durýan içerki we daşarky faktorlary kesgitlemek üçin
ulanylyp bilner. SWOT gysgaltmasy başlangyç harplaryň atlaryndan emele
getirilendir: güýçli taraplar (Strengths), gowşak taraplar (Weaknesses),
mümkinçilikler (Opportunities) we howplar (Threats).
Ädim 2: Görüşi aýdyň kesgitlemek.
Görüşiň beýan edilişi guramanyň nähili bolmak isleýändigi baradaky
tassyklama bolup durýar. Ol geljege gönükdirilendir we guramanyň yglan edilen
islenilýän geljegine ýetmekde guramanyň agzalaryna ylham bermek üçin gulluk
edýär.
Meselem, Koreýa Respublikasynyň elektron hökümetiniň görlüşi – ―dünýäde
iň gowy açyk elektron hökümet bolmak‖, ol aşakdakylaryň üsti bilen amala
aşyrylar:
onlaýn döwlet hyzmatlaryny 85 göterime çenli artdyrmak;
biznesiň konkurensiýa ukyplylygyny goldamak boýunça dünýäde iň
gowularyň onlugynda bolmak;
döwlet edaralaryna ýüz tutujylaryň barmagynyň sanyny ýylda üç gezekden
azaltmak;
elektron hökümetiň maksatnamalaryny ulanmagyň koeffisiýentini 60 göterime
çenli galdyrmak.
Maksatnamalaýyn beýannama aýdyň bolmalydyr. Hem-de onuň ylham beriji
ideal bolup galýandygy üçin, ol real, ýetilip bolunýan umyt-arzuwlary hem
aňlatmalydyr. Ondan başga-da, ol guramanyň medeniýeti we gymmatlyklary bilen
ylalaşykly bolmalydyr.
Ädim 3: Görüşi maksatlara çenli jikme-jikleşdirmek.
8 Adegboyega Ojo, Elsa Estevez, Bernd Friedrich we Tomasz Janowski, ―Elektroniki Dolandyryş üçin
Strategiki Meýilnamalaşdyryş‖ (Elektroniki Dolandyryşy Esaslandyrmak boýunça 7-nji UNeGov.net
Mekdebinde hödürlenildi, Çeonan, Koreýa Respublikasy, 2007-nji ýylyň 9-11-nji Oktýabry) (―Strategic
Planning for Electronic Governance‖ (presented at the 7th UNeGov.net School on Foundations of
Electronic Governance, Cheonan, Republic of Korea, 9-11 October 2007), http://www.unegov.net/03-
Events/26-S-Cheonan/public/module-2.pdf.
36 Modul 3: Elektron hökümeti ulanmak