Modul 3. Elektron hökümeti ulanmak

2.2. Ösýän ýurtlarda elektron hökümeti ösdürmek
üçin öňe sürülýän ugurlar
Derňewler we dürli ýurtlaryň resminamalaýyn görnüşdäki öňdebaryjy
tejribelikleri elektron hökümetiň ösüşinde üç esasy tapgyryň bardygyny çen
etmäge mümkinçilik berýärler. Birinjisi – kommunikasiýalary ýa-da
infrastrukturany gurmak, ikinjisi kontenti ýa-da goşundylary işläp düzmek,
üçünjisi bolsa – ulgamlar ýa-da integrasiýa.
Bu üç tapgyrly çemeleşme köp ýurtlarda kabul edildi, şol sanda, Bangladeşde,
Hytaýda, Ýaponiýada, Meksikada we Koreýa Respublikasynda. Meksikanyň
ýagdaýynda (seret, Surat 3) kommunikasiýalar informasion tehnologiýalaryň
serişdelerine jemgyýetçilik elýeterliligini bermek we sifrleýin jemyýetçilik
merkezleriniň kömegi bilen okatmak ýoly arkaly sifrleýin deňsizlik meselesiniň
çözülmegini aňladýar. Meksikanyň kontenti we goşundylary işläp düzmekde
prioritetleri (Tapgyr 2) elektron okatmak, elektron saglygy goraýyş, elektron
ykdysadyýet we elektron hökümet bolup durýarlar. Ondan başga-da, bu tapgyrda
müdiriýetleriň ýa-da ministrlikleriň derejelerinde döwlet portallary işlenilip
düzülýärler. Elektron Meksikanyň üçünji tapgyry (e-Mexico) ähli ulgamlaryň ýada
portallaryň raýatlara we biznese bitewi hyzmatlary bermek üçin integrasiýasyny
ýa-da birikdirilmegini göz öňünde tutýar.
Surat 3. Elektron Meksikanyň milli ulgamyny ýaýbaňlandyrmak
(Çeşme: Elektron Meksikanyň portaly, http://www.e-mexico.gob.mx).
31 Döwlet dolandyryşynyň liderleri üçin IKT Akademiýasy