12 2006

Türkmenistanyň Prezidentiniň ýanyndaky Ylym we tehnika baradaky Ýokary geňeşiň
“Türkmenistanda ylym we tehnika” – ylmy-nazaryýet žurnalynda
çapdan çykjak makalalardan edilýän talaplar:
1. Türkmenistanyň Prezidentiniň ýanyndaky Ylym we tehnika baradaky Ýokary geňeşiň
“Türkmenistanda ylym we tehnika” – ylmy-nazaryýet žurnalynda Türkmenistanyň ylym we
tehnologiýanyň ähli ugurlary boýunça gazanylan üstünlikleri we ylmyň gazanan netijeleriniň
durmuşa ornaşdyrylyşy baradaky makalalara ýer berilýär.
2. “Türkmenistanda ylym we tehnika” žurnalynyň redaksiýasy öz esasy ugruna laýyk
gelýän, ylmy makaladan edilýän talaplary ödeýän makalalaryň bir sahypadan ybarat rus we iňlis
dilindäki gysgaça beýany (rezýume) bilen kabul edýär. Çap etmek nobaty bolsa, makalanyň diňe
gelen wagtyna bagly bolman, eýsem onuň wajyplygyna-da baglydyr.
3. Awtorlardan edilýän talaplar:
– awtor makalasyny türkmen dilinde, edebi taýdan işläp, taýýar görnüşinde gol çekip,
redaksiýa hödürlemelidir. Makalanyň yzynda awtoryň familiýasy, ady, atasynyň ady, işleýän ýeri,
öý salgysy, telefony maglumat hökmünde görkezilmelidir;
– tejribe netijesinde alnan maglumatlaryň haýsy ylmy-barlag institutyň ýa-da ýokary okuw
mekdebiň tejribehanasynda alnandygy barada maglumat berilmeli;
– her bir awtoryň (awtorlaryň) ylmy netijäni almakdaky goşandy barada maglumat
berilmeli.
4. Makala bildirilýän talaplar:
– makalany taýýarlan edaranyň ýörite haty we syny bolmalydyr.
Makalanyň gurluşy:
– giriş;
– meseläni esaslandyrmak, dünýä tejribesi bilen deňeşdirmek;
– meseläniň çözgüt şertleri;
– meseläniň çözlüşi;
– netijeler;
– edebiýatlar.
5. Makalanyň möçberi kompýuterde “Times New Roman” 14-lik şriftinde, 1 interwalda
ýazylyp, 7-8 sahypadan geçmeli däldir. Kagyzyň çep tarapynda 2,5 sm boş ýer goýmak hökmandyr.
Golýazma we çyzgydyr suratlaryň bir nusgasy hem-de elektron (diskde ýa-da disketde) nusgasy
bolmalydyr.
6. Makalanyň many-mazmun bitewiligi, yzygiderligi saklanylmaly.
7. Makaladaky ähli çykgytlar we salgylanmalar ilkinji çeşmeler bilen barlanyp görülmelidir.
8. Çykgyt alnan edebiýat makalanyň yzynda getirilip, ol elipbiý tertibinde bolmalydyr.
Tertip belgileri-de goýulmalydyr. Awtoryň familiýasy, ady, atasynyň ady, žurnalyň ýa-da kitabyň
ady, çap edilen şäheri, neşirýaty, çap edilen ýyly we jildi görkezilmelidir. Çap edilmedik işlere
salgylanyp, ony sanawa goşmak bolmaýar. Tekstde salgylanylan edebiýatyň, çykgydyň belgisi we
sahypasyny kwadrat ýaýyň içinde görkezmek kabul edilendir.
9. Makaladaky suratlar, çyzgylar elde ýa-da kompýuterde takyk çekilmelidir. Suratda
alamatlandyrmalar az bolmalydyr. Suratlaryň aşagyndaky ýazgysy aýratyn ýazylmalydyr. Tekstde
ähli suratlara salgylanma hökmandyr. Her bir suratyň arka ýüzünde awtoryň familiýasy, makalanyň
ady we suratyň tertip belgisi görkezilmelidir. Neşirýat suratyň asyl nusgasyny yzyna bermäge
borçludyr.
10. Her bir tablisanyň hem edil surat ýaly öz tertip belgisi, tekstde salgylanmasy
bolmalydyr. Tablisanyň we olaryň grafalarynyň sözbaşysy bolmalydyr, olarda gysgaltmalara (ölçeg
birliginden başgalara) ýol berilmeýär. Mümkin boldugyça çyzgylaryň taslamasy elektron görnüşinde
getirilmeli.
11. Zerur bolan aýratyn ýagdaýlarda işiň many-mazmunyny saklamak bilen, teksti
gysgaltmaga, tablisany, suratlary azaltmaga redaksiýanyň hukugy bardyr.
12. Kabul edilen makala edilýän talaplara laýyk gelmänligi sebäpli çykarylmadyk
halatynda, makala yzyna gaýtarylmaýar, oňa jogap we syn berilmeýär.
45