Create successful ePaper yourself
Turn your PDF publications into a flip-book with our unique Google optimized e-Paper software.
kızılbaş - sayfa 41 - sayı <strong>38</strong> - mayıs <strong>2014</strong> - http://www.kizilbas.biz - tel: 00 49 (0) 177 502 88 53<br />
NAÇIKA HARSE BE APÊ<br />
MISTEFAYDE QESEYKERDENE<br />
Na ç ı k a Ha r s e b e Ap ê Mı s t e fa y r a<br />
Foto:M. Cömert<br />
Ana Derge ceniya Sayderiya pêyena.<br />
Sayder, ceniya verene ra ke domani<br />
nêbenê, yeno Ana Derge xorê beno.<br />
Aêra ki wena domanê xo nêbiyê<br />
Sevdin de amo kistene. Ana Derge,<br />
eke Sayder yeno kistene sona Dewrês<br />
Xıdıri cêna. O ke mıreno ki nafa Alê<br />
Kuki cêna. Emrê Ana Derge xêlê derg<br />
beno. 1967de şiya heqiya xo ser. Eke<br />
merda 80 serre ra vêrda.<br />
Namê Ana Derge Xecera. Bezna xo<br />
derg biya, qasê dı metri.. Dest u payi<br />
bena.. Vanê aê ciamerdi kuyenê.. A,<br />
ciamerdu ra daha hewle, ciamerdu<br />
ra daha pête biya.. Jü rayê, tertelê<br />
Dêrsımi de dı eskêri kuyê ra naê dest..<br />
Nine her jü eve desto jüra pêcêna,<br />
saranê nine kuyna jüviniro erzena uca.<br />
Ana Derge Qırdım de xêlê serru Naçıka<br />
Harserê ciraneni kena. Çê jüvini<br />
têlêwede beno. Sew u roc sonê jüvini<br />
yenê. Vake aê gegane qalê Sayderi<br />
ardenê ra. Naçıka Harse vana aê<br />
vatenê ke:<br />
„Sayder ke ame ez berdane ez wena<br />
hevıkê biyane, senıkê biyane.. Sayderi<br />
ke pers kena, o ciamerdo de jê zınari<br />
bi.. Bezna di hundê bezna mı derg<br />
nêbiye, ama o dest u pay bi. Zımela<br />
de derge verê pırnıkede biye.. Zımela<br />
xo, porê xo, buri u bızangê hêni şia<br />
bike, nia bereqiyenê.. Zaf ciamerdo de<br />
xosero bi..<br />
Yê Sayderi ceniya xuya verenera<br />
domani çine bi.. Namê daê ki Xecere<br />
biye.. Namê mı ki Xecere bi.. Domanê<br />
xo ke nêbi, i coku ame ez berdane..<br />
Ma dı Xeceri bime hewiyê jüvini!..<br />
Ez wena domanene, hayrê dina niyane..<br />
Hem Sayderi ra sermayinu, hem<br />
7<br />
ceniya verena ra sermayinu.. Na ceniya<br />
diya verene zaf rındeke biye.. Poro<br />
de derg pê daê de bi.. Eke hard de<br />
niştenê ro, na gılangê porê daê amenê<br />
hardi sero biyenê top..<br />
Sande ke biyenê, ceniya verene ardenê<br />
dı cıli fiştenê ra.. Cıla jüye xorê, a bine<br />
ki mı be Sayderirê.. Ez aêra ki, Sayderi<br />
ra ki sermayienê, nêşiyenê cıle<br />
nêkutenê.. Aê vatenê:<br />
„Xecê urze xorê so cıla mêrdê xo<br />
kuye.. Xorê rakuye, tı itka çı nisena<br />
ro!..“<br />
Ez cıra semaiyenê, lêwê daê de<br />
nêşiyenê cıla Sayderi nêkotenê.. Ez<br />
nistenê ro, aê sero vınetenê.. Kêyke a<br />
kote cıla xo, şiye hewn ra.. Ez gıranek<br />
vaştenê ra, şiyenê cıla daê ser..<br />
Bêveng orxane kerdenê berz, kotenê<br />
pê mianê daê..<br />
Sewe nêzo çı şiyenê, Sayder amenê..<br />
Çıla guretenê xo dest, ma sero<br />
vınetenê.. Eve yaraniye ceniya verenera<br />
vatenê:<br />
„Nê Xecê, mı na cenıke torê arda,<br />
yaki xorê arda“ Aê vatenê:<br />
„Sayder, ezı ki zanonu ke qa to na<br />
xorê arda.. De tı mı ra se vana.. Qaê<br />
mı uçka cıle kerda ra.. Mı cıra va<br />
„Çênê so cıla xo kuye..“ Ma ez çı zanenu<br />
ke a ama kota lêwê mı.. Ez xorê<br />
hewnde biyane..“<br />
Sayderi ez ontenê berdenê cıla xo..<br />
Hirê serri halê mı nia bi.. Hirê serri<br />
ra dıme mı xo daro cı.. Pede yemisê<br />
cı biyenê.. Badena o şi herb, Urızi na<br />
pıra kist..“<br />
Naçıka Harse vana:<br />
„Ana Derge be xo feki khılama Sayderi<br />
vatenê.. Mı pêro guret bi.. Nıka<br />
mı viride nêmenda.. Tek dı hirê çekü<br />
yenê ra mı viri..<br />
Sayê mı Sevdino<br />
Şerê mı Sevdino<br />
Sayderê mı roc vecino<br />
Hetê ra tufang erzino<br />
Vengê tufangê Sayderê mı endi<br />
nêvecino<br />
Vengê Sayderê mı xori xori yeno<br />
(...)<br />
Vanê Sayderê mı weşiyanê xo bıke<br />
Vano weşiyanê xuyê çınay bıkeri<br />
Meyitê mı berê Germıke de<br />
lêwê vıstewranê mı de wedarê<br />
Sayderê mı sodıro roc vecino<br />
Vengê tufangê Sayderê mı endi<br />
nêvecino<br />
(...)<br />
Sayderê mı ardo Herdifo vêsaê şiya<br />
viyale<br />
Ez qurvanê Sayderê xo bi<br />
Sevkanê serê salê<br />
Vano Sayderê mı ortê dısmeniyo<br />
Xorê gıran gıran bınale<br />
(...)<br />
Sayderê mı sodıro roc vecino<br />
Sayderê kewranê sarri fişto raê<br />
Kewranê Sayderê mı cıra vısıyo..“<br />
Naçıke vana:<br />
„Na zaf derga, qa mı viride nêmenda..<br />
Vıstewrê Sayderi bıraê Ana Dergeê..<br />
Na Ana Derge ax kerdenê, puf kerdenê<br />
naê vatenê.. „<br />
(...)<br />
Apo Mıstefa vano:<br />
„Khılama Sevdini Sey Qaji vata..<br />
Sey Qaji sew u roc vatenê.. İ hewnê<br />
xo dibi.. Hewn de, kodê korek kerd<br />
gula di.. İ pesewe peroc vatenê<br />
nêxelesnenê.. Na khılama Sayderi i<br />
vata.. Sey Qaji.. Na, hatanu tertelê<br />
Dêrsımi wena wes bi.. Abdıla Pasay ke<br />
eskêr êşt Dêrsımi ser o wena wes bi..<br />
İşte i tenê Dêrsımi sero vati.. Wena<br />
wes bi.. Qa ê Sey Qaji isê vatene nêbi..<br />
O kor bi..“<br />
(...)<br />
Naçıka Harse vana:<br />
„ İ nia ceniyu sero vatenê.. Vanê<br />
ni ceniyu sero vatenê mordem pê<br />
qırbiyenê..<br />
Rında mı zincire xemelna<br />
êşta ortê pori<br />
Çê xo bar kerdo<br />
Şiya ortê Boxazi<br />
Nişta ro verê saci<br />
Lawo vergi verda gore<br />
Berde bıza gewre<br />
Vergo ezo bextê astanê ma u piyê to