Create successful ePaper yourself
Turn your PDF publications into a flip-book with our unique Google optimized e-Paper software.
Nəzmiyyə Hicran<br />
Deyəsən<br />
Bu dünyanın get-gəlinə mat qalıb,<br />
Gülə-gülə ağlayıram deyəsən.<br />
Qəm-kədəri gözlərimə iz salıb,<br />
Misra-misra çağlayıram deyəsən.<br />
Zəmanənin qoç buynuzlu başıyla,<br />
Dünyamızın başa dəyən daşıyla,<br />
Gözlərimin alov dilli yaşıyla,<br />
Ürəyimi dağlayıram deyəsən.<br />
Mən Hicranam-ayrılıq var adımda,<br />
Dərd alışar, qəm əriyər odumda.<br />
Gecə-gündüz yaddaşımda, yadımda<br />
Yurd yerimi saxlayıram deyəsən.<br />
34