You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
_____________Milli Kitabxana_____________<br />
SƏRHƏDÇİNİN DÜŞÜNCƏLƏRİ<br />
Ay göylərə keşik çəkir,<br />
Mən - yurdumun növrağına.<br />
Bu gecə də tək çıxmışam,<br />
Xan Arazın qırağına.<br />
Sərhədçiyəm, nəzərimdə<br />
Ağır gəlib keçir axşam.<br />
Bir yovşanı yana əyib,<br />
Üzərində uzanmışam.<br />
O sahil də, bu sahil də,<br />
Yenə dərin sükutdadır.<br />
Mən otların içindəyəm,<br />
Ay da hələ buluddadır.<br />
Boylanıram yan-yörəmə,<br />
Nə səs gəlir, nə də hənir.<br />
Bu boz payız gecəsində,<br />
Təkcə Araz ləpələnir.<br />
Düşünürəm, gecə keçir...<br />
Yummasam da gözlərimi,<br />
Mən xəyalən seyr edirəm,<br />
Çöllərimi, düzlərimi...<br />
...Elə bil ki, kəndimizin,<br />
Üstündəki qızıl qaya.<br />
Öz sehrli kölgəsini,<br />
Sahil boyu salıb çaya.<br />
Düşünürəm: əziz anam,<br />
Ağbirçəkli qoca qarı.<br />
Şir böyüdür bağçadakı,<br />
Bizim körpə balaları.<br />
Elə bil ki, dolaşıram,<br />
Yaxın-uzaq yerləri mən.<br />
Vətən eşqi bulaq kimi,<br />
Axıb keçir ürəyimdən...