Create successful ePaper yourself
Turn your PDF publications into a flip-book with our unique Google optimized e-Paper software.
_____________Milli Kitabxana_____________<br />
Şəfəqlər sayrışır, gülür dağ döşü,<br />
Hər kəs bir xatirə gətirir yada.<br />
Mən belə hücumu, belə doyüşü,<br />
Düzü, görməmişəm hələ dünyada.<br />
Bayraqlar sancılır qaralan şuma,<br />
Əllərdə hərarət, üzlərdə gülüş.<br />
Xalqımız inamla keçib hücuma,<br />
Gedir hər tərəfdə səngərsiz döyüş!..<br />
DÖYÜŞÇÜNÜN XƏYALI<br />
Mən indi uzaqda... Cəbhələrdəyəm,<br />
Qarşımda boz otlar, gen səhralar var...<br />
Məni qərq edəndə uçqun xəyallar<br />
Elə zənn edirəm sanki evdəyəm...<br />
Anam xalı salmış, sən çay qoyursan<br />
Çiçəkli eyvana baxır... Baxıram...<br />
Çaydan dəmləyirsan, limon kəsirsən,<br />
Mən isə köksünə bir gül taxıram.<br />
Odlu baxışların çevrilir bəri.<br />
O bir cüt ilahi, mavi gözləri –<br />
Süzürəm... Od tutub alışır könül<br />
Yasəmən kolunda bir sona bülbül –<br />
Oxuyur... Mən isə siyah zülfünü<br />
Sevib oxşayıram sakitanə, lal<br />
Bu zaman bir mərmi düşür yaxına<br />
Məni gül eyvandan ayırır xəyal...<br />
Yenə cəbhə boyu əsir küləklər,<br />
Görürəm kimsəsiz bir səngərdəyəm<br />
Fikrimi çuğlamış təmiz diləklər<br />
Mənsə uzaqlarda... cəbhələrdəyəm.