Create successful ePaper yourself
Turn your PDF publications into a flip-book with our unique Google optimized e-Paper software.
_____________Milli Kitabxana_____________<br />
Bu mahnını da bəlkə illər keçəndən sonra xalq mahnıları sırasına qatacaqlar.<br />
İnsanların sağlamlığı keşiyində duran həkimlərə yeni mahnılar yazılır və<br />
yazılacaq, amma o mahnılar sırasında İslam Səfərlinin "Həkim qız"ı birinci olacaq.<br />
Gülərüzlü həkim qız,<br />
Ey gözləri bənövşə.<br />
Qapımızdan keçəndə<br />
Sarsılıram həmişə.<br />
Söylə, intizarını<br />
Nə vaxtadək çəkim, qız?<br />
Oxuyuram səninçün<br />
Bu nəğməni, həkim qız!<br />
Hər səhər evdən çıxıb işə yollanırıq, bir az qayğılı, bir az qayğısız, həm şən,<br />
həm də qəmgin. Elə bil bu mahnı bizimlə birgə yol gedir,<br />
Qayıdıb xoş güzərdən,<br />
Günəş qalxır Xəzərdən.<br />
Sevgilim keçən yerdən,<br />
Bütün şəhər yeriyir,<br />
Bakı, sabahın xeyir!<br />
Nədir bu nəğmələri yaşadan? Hansı şeirdir?<br />
O nəğmələrdə sözlər sanki adilikdən çıxır, poetik hüsn və təmtəraq qazanır,<br />
deyim tərzində bir şirinlik, axıcılıq, təbiilikbu nəğmələrin bəzəyidir. "Zərif<br />
gülüşlüm", "Dan ulduzu, bir də mən...", "Nə vaxta qaldı", "Bir ürək sındırmışam",<br />
"Zəriflik"... onlarla belə şeirlər lap yaranışdan nəğmə kimi bu dünyaya gəliblər.<br />
Ancaq elə güman eləməyin ki, nəğmələrində olan bu şeriyyət - şirinlik, axıcılıq<br />
və poetik gözəllik təkcə elə adlarını çəkdiyim şeirlərə aiddir. Yox, bu poetic<br />
gözəlliklər onun əksər şeirlərinə də xasdır.<br />
Qəlbimdə şaxta var, çöldə bahardır,<br />
Ayrılıq saçımda gümüşü qardır.<br />
Həsrət baxışların nə intizardır,<br />
Yenə yar məhləsi yarsız qalıbdır.<br />
Mən onu yaşatdım sözdə, şeirdə,<br />
Güman yox üzünü görməyə bir də.<br />
Onun son ləpiri düşdüyü yerdə<br />
İslam kimi etibarsız qalıbdır.